قالا تىرشىلىگى

ءتىلسىز جاۋعا — ءتيىستى توسقاۋىل

ەلوردالىق قۇتقارۋ­­شىلار «قاۋىپسىز دەمالىس» قالالىق پروفيلاكتيكالىق اكتسياسىن وتكىزدى. جازعى دەمالىستىڭ باستالۋىنا وراي ۇيىمداستىرىلعان شارا بالالاردىڭ قاۋىپسىزدىگىن قامتاماسىز ەتۋگە باعىتتالعان.

اكتسيا بارىسىندا ءورت سوندىرۋشىلەر, قۇتقارۋشىلار جانە سۇڭگۋىرلەر جەتكىن­شەكتەرگە ءورت ءسوندىرۋ تەحنيكاسىن, اشىق سۋدا ءوزىن قالاي ۇستاۋ كەرەكتىگى تۋرالى ەرەجەلەردى جانە العاشقى كومەك كورسەتۋ جولدارىن ءتۇسىندىردى. سونداي-اق, توتەنشە جاعدايلار كەزىندە قولدانىلاتىن قۇرال-جابدىقتارمەن تانىستىردى. وقىتۋ كونكۋرستارى مەن ۆيكتورينالارعا جۇزدەگەن استانالىق ءبۇلدىرشىن قاتىستى.
دەرەكتەرگە سۇيەنسەك, جازعى دەمالىس ۋاقىتىندا بالالاردىڭ وتپەن ويناۋى سالدارىنان ءورت شىعۋ قاۋپى, سۋ قويمالارىندا قايعىلى جايتتاردىڭ بولۋ فاكتىلەرى ارتادى ەكەن. بىلتىر ءورتتىڭ كەسىرىنەن 6 بالا كوز جۇمسا, 2 بالا سۋعا كەتكەن. اتالمىش شارانىڭ ماقساتى – وسى سياقتى توتەنشە جاعدايلاردىڭ, بالالار ءولىمى مەن جاراقاتتانۋىنىڭ الدىن الۋ.

تاعىدا

ۇقساس جاڭالىقتار

پىكىر ۇستەۋ

Back to top button