كەشە قازاقستان مۇسىلماندارى ءدىني باسقارماسىنىڭ استاناداعى كەڭسەسىندە رەسپۋبليكا يمامدارىنىڭ ەسەپ بەرۋ تورالقا ءماجىلىسى باستالدى.
باس ءمۇفتي ەرجان قاجى مالعاجىۇلىنىڭ جەتەكشىلىگىمەن وتكەن القا ءماجىلىسىندە وبلىستاردىڭ باس يمامدارى ءدىني باسقارما باسشىلارىنا ۇگىت-ناسيحات, وقۋ-اعارتۋ, ءدىني كۋرستار, باق-پەن جۇمىس, سايت جۇمىستارى, مەشىت ىستەرى, قايىرىمدىلىق شارالار, جات اعىمدارمەن جۇمىس, ت.ب. باعىتتار بويىنشا ەسەپ بەرۋدە.
باس ءمۇفتي ەرجان قاجى مالعاجىۇلى ءدىن قىزمەتكەرلەرىنە جات اعىمدا جۇرگەن جاستاردى ءداستۇرلى دىنگە شاقىرۋدىڭ ءادىس-امالدارى جايلى ءسوز قوزعادى. بيىل قمدب جانىنان قۇرىلعان اقپارات-ناسيحات توبى 1 ملن 168 مىڭنان اسا حالىققا كوپتىڭ كوكەيىندە جۇرگەن سۇراقتار بويىنشا جان-جاقتى ماعلۇمات بەردى. وسىناۋ يگى ءىستىڭ كورىنەۋ ناتيجەسى دەۋگە دە بولادى: جات اعىمدا جۇرگەن 450 قانداسىمىز ءداستۇرلى ءابۋ حانيفا ءمازھابىن رەسمي مويىنداپ, رايىنان قايتتى.
رەسپۋبليكا بويىنشا مەشىتتەر جانىنداعى ساۋات اشۋ كۋرستارىندا 22 592 ادام ءدىني ءبىلىم السا, وزەكتى ءدىني ماسەلەلەر, سونىڭ ىشىندە «تاكفىرشىلەر», «حيجرات», «جيھاد» ۇعىمدارى جانە قازىرگى زامانداعى كەيبىر ەكىۇداي ماسەلەلەرگە قاتىستى ءدىني باسقارما جانىنان
23 ءپاتۋا شىعارىلدى.
قاسيەتتى رامازان ايىندا 17 280 تۇرمىسى تومەن وتباسىنا قايىرىمدىلىق كومەك كورسەتىلدى. ەلىمىز بويىنشا وسى ايدا 550 447 ادامعا اۋىزاشار بەرىلىپ, 480 رۋحاني شارالار وتكىزىلدى.
قازىرگى ۋاقىتتا قمدب-نىڭ قۇرىلىمىندا 3 967 ءدىني مامانقىزمەت اتقارادى.
جايىق ناعىماش
