«جەرۇيىق» ساياباعىندا «مەن, سەن, ول, ءبارىمىز – سالاۋاتتى ەلمىز» ۇرانىمەن دەنساۋلىق فەستيۆالى ءوتتى. وعان 4 مىڭنان استام ەلوردالىق قاتىستى. بۇقارالىق شارانى ۇيىمداستىرۋشىلار – استانا قالاسىنىڭ اكىمدىگى, دەنساۋلىق ساقتاۋ باسقارماسى جانە سالاۋاتتى ءومىر سالتىن قالىپتاستىرۋ ورتالىعى.
بيىلعى فەستيۆال جاپپاي جۇگىرۋدەن باستالدى. وعان قاتىسقان 4 مىڭنان استام ادام جۇماباەۆ كوشەسىمەن ەكى شاقىرىمداي جۇگىرىپ, «جەرۇيىق» ساياباعىندا جينالدى. بۇل جەردە ولار ۆولەيبول, ارقان تارتۋ جانە ەستافەتا سايىستارىنا قاتىسىپ, سالاۋاتتىلىقتىڭ ۇلگىسىن كورسەتتى. ال «دەنساۋلىق قالاشىعىندا» دارىگەرلەردەن تەگىن كەڭەس الىپ, دەنساۋلىقتى تەكسەرىپ شىعۋعا بولادى. اكتسيا اياسىندا كوپشىلىك قازاق ەستراداسى جۇلدىزدارىنىڭ گالا-كونتسەرتىن تاماشالادى. جارىس جەڭىمپازدارىن ماراپاتتاۋ ءراسىمى دە سالتاناتىمەن ەرەكشەلەندى.
