سىڭعىرلى سوڭعى قوڭىراۋ دا جاقىنداپ قالدى. استانادا الداعى 25 مامىر كۇنى ساعات 13:00-دە «بايتەرەك» مونۋمەنتى الاڭىندا «ءبىز – ەل بولاشاعىمىز» اتتى مەرەكەلىك كونتسەرت پەن مەكتەپ تۇلەكتەرىنىڭ بي كەشى وتەدى.
اۋقىمدى شاراعا ەلوردالىق مەكتەپتەردەن 4593 تۇلەك قاتىسادى. ەلوردانىڭ ۇزدىك ونەر ۇجىمدارى ءان مەن بيدەن شاشۋ شاشادى. ولاردىڭ قاتارىندا «VIVA» شوۋ-بالەتى, «Kazakh Percussion Group» بارابانشىلار توبى, «Z» تريوسى بار. سونىمەن قاتار باس قالانىڭ ۇزدىك برەيكدانس ۇجىمدارى جانە م.وتەمىسوۆ اتىنداعى وقۋشىلار سارايىنىڭ شىعارماشىلىق ۇجىمدارى ونەر كورسەتەدى.
كەش بارىسىندا ءتۇرلى بايقاۋلار مەن سايىستار دا نازاردان سىرت قالمايدى. ءبىلىمدى جانە كرەاتيۆتى مەكتەپ تۇلەكتەرى ءۇشىن ينتەراكتيۆتى بايقاۋلار, ءتۇرلى قىزىقتى ويىندار ۇيىمداستىرىلادى.
ازامات ەسەنجول
