ەلوردادا قوعامدىق ءتارتىپتى ساقتاۋ, ۇساق-تۇيەك بۇزاقىلىقتى الدىن الۋ جاعىنان پوليتسەيلەرگە قالا تۇرعىندارى دا ەرەكشە كومەك كورسەتۋدە. ساقشىلاردىڭ تۇرعىندار اراسىنان شىققان كومەكشىلەرىنىڭ سانى ازىرگە – 730.
بيىل استانا قالاسى ءىىد اكىمشىلىك پوليتسيا باسقارماسى قوعامدىق كومەكشىلەردىڭ كومەگىمەن تىيىم سالىنعان ورىنداردا تەمەكى شەگۋدىڭ 150 دەرەگىن انىقتاعان. قوعامدىق كومەكشىلەر, سونداي-اق, 100-دەن استام ۇساق بۇزاقىلىق پەن 15 قىلمىستىڭ ءىزىن سۋىتپاي اشۋعا كومەكتەسكەن.
ارينە, پوليتسەيلەرگە قول ۇشىن بەرۋشىلەر قۇر الاقان قالمايدى. ولاردى ىنتالاندىرۋعا ەلوردا اكىمدىگى جىل سايىن 13 ميلليون تەڭگە بولەدى. وسى قارجىنى استانا قالاسىنىڭ ىشكى ىستەر دەپارتامەنتى قىلمىستى اشۋعا بەلسەندىلىك كورسەتكەن ازاماتتارعا جۇمساپ, توقسان سايىن
14 مىڭ تەڭگەدەن سىياقى بەرۋدى داستۇرگە اينالدىردى. اعىمداعى جىلدىڭ ءبىرىنشى توقسانىندا 200-دەن اسا قوعامدىق كومەكشى 3 ميلليون تەڭگەمەن ماراپاتتالعان.
لاريسا كراسنيكوۆا,
استانا قالاسى ءىىد اكىمشىلىك پوليتسيا باسقارماسىنىڭ ەرەكشە تاپسىرمالار جونىندەگى اعا ينسپەكتورى
