استانانىڭ الەۋمەتتىك-ەكونوميكالىق ومىرىندەگى سوڭعى جىلدارداعى وزگەرىستەر تۋريزم سالاسىن شاپشاڭ دامىتۋعا مۇمكىندىك بەردى. ساياحاتشىلاردىڭ ەلوردامىزعا دەگەن قىزىعۋشىلىعى وسى سالانىڭ جاقسى كورسەتكىشتەرىمەن دالەلدەندى.
بۇل سالانىڭ ەڭ تابىستى ءتۇرى – ىسكەرلىك تۋريزم. مىڭداعان ادام استاناعا ءارتۇرلى كورمەگە, كونفەرەنتسيا مەن سەمينارعا قاتىسۋ ءۇشىن, ياعني ىسكەرلىك ماقساتپەن كەلەدى. كوپتەگەن ساياسي-ەكونوميكالىق, مادەني ءىس-شارالارمەن بىرگە, استانا كۇنىنە ارنالعان باعدارلامالار تۋريستەر ءۇشىن تارتىمدى بولىپ وتىر. استانا كۇنى قالا برەندىنە اينالىپ كەلەدى. تۋريستەردىڭ ەلورداعا, اسىرەسە, مەرەكە قارساڭىندا كوپتەپ كەلۋى بايقالادى.
استانانىڭ تۋريستىك بەت-بەينەسىن قالىپتاستىرۋ ماقساتىندا كادەسىي ءونىمىن جانە الەمنىڭ وزىق تىلدەرىندە تانىستىرىلىم ماتەريالدار مەن جارنامالىق-اقپاراتتىق ءونىمدى شىعارۋ جونىندەگى جۇمىسى جالعاسىن تابۋدا.
الايدا, تۋريزم سالاسىن ءوز دەڭگەيىندە دامىتۋدا بىرقاتار كەدەرگىلەردى جويۋ كەرەك بولىپ وتىر. ولار – قوناق ءۇي جانە مەيرامحانالىق قىزمەت ساپاسىنىڭ تومەندىگى جانە قىمباتتىعى. تۋريزم سالاسىنداعى مامانداردىڭ دايارلىعى مەن ولاردىڭ بىلىكتىلىگىن جوعارىلاتۋ دا – تۋريزم سالاسىنىڭ كۇن تارتىبىندەگى ماسەلە. وسى رەتتە, عىلىمي بازانىڭ جوقتىعى دا كەرى اسەرىن تيگىزبەي قويمايدى.
ايگۇل ۋايسوۆا
