تاعامنىڭ ءتۇسى ونىڭ قۇرامدىق قاسيەتتەرىنەن حابار بەرەدى. جەمىس-جيدەك پەن كوكونىستەردى ساتىپ الاردا بوياۋ ەرەكشەلىگىنە كوڭىل ءبولىپ, پايداسىن بىلە جۇرگەن ابزال.
قىزىل ءتۇستى جەمىس-جيدەك پەن كوكونىستەر ليكوپيندەر – انتيوكسيدانتقا باي بولعاندىقتان, تەرىنى ۋلتراكۇلگىن ساۋلەلەردەن قورعاپ, جۇرەك-قان تامىرلارى اۋرۋلارىنا شالدىعۋ قاۋپىن تومەندەتەدى جانە قاتەرلى ىسىكتىڭ الدىن الادى. قىزعىلت-سارى, سارى ءتۇستى جەمىس-جيدەك پەن كوكونىستەر – يممۋندىق جۇيەنىڭ اينىماس كومەكشىسى. قۇرامىنداعى كاروتەنويد ادام اعزاسىندا ا دارۋمەنىن بولەدى. ال, قاتاڭ ديەتا ۇستاماي-اق ارتىق سالماقتان ارىلعىڭىز كەلسە, جاسىل ءتۇستى تاعامداردى تاڭداعان ءجون. ولاردىڭ كالورياسى از ءارى ءىشتى تازارتۋعا بەيىم كەلەدى. جاسىل جەمىس-جيدەك, كوكونىستەر كانتسەروگەندى جويىپ, سۇيەك پەن ءتىستىڭ ساۋلىعىنا پايداسىن تيگىزەر وسىمدىك ەلەمەنتتەرىنە باي. اقشىل-سارى, اق ءتۇس بوياۋى قانىق تاعامدارعا قاراعاندا سولعىنداۋ كورىنگەنمەن, دارۋمەندەردىڭ قاينارى وسى تۇسكە تيەسىلى ەكەن. ارتىق حولەستەرين دەڭگەيىن ازايتىپ, قان قىسىمىن تومەندەتۋگە سەپتەسەدى جانە جۇرەك-قان تامىرى اۋرۋلارىن الدىن الادى. ماسەلەن, سارىمساق قۇرامىنداعى الليتسيلين اسقازان جارالارىنان قورعاپ, ىسىكتىڭ ءوسۋىن تەجەيدى. ال, كۇلگىن ءتۇستى كوكونىس پەن جەمىس-جيدەكتەر ادامنىڭ ەستە ساقتاۋ قابىلەتىن كۇشەيتەدى.
ءمادينا جاقىپ
