كەشە استانادا تاەكۆوندو سپورتىنان قازاقستان كۋبوگى ساراپقا سالىندى.
«اسپان» سپورت كەشەنىندە باستالعان جارىسقا ەلىمىزدىڭ بارلىق ايماقتارىنان 400-دەن اسا جاسوسپىرىمدەر مەن جاستار جينالدى. جارىستا 12-14 جاس ارالىعىنداعى, سونىمەن قاتار 15-17 جاس ارالىعىنداعى سپورتشىلار سىنعا تۇسۋدە.
«بۇل جارىس ەلوردامىزدا ون جىلدان بەرى ءوتىپ كەلەدى. تاەكۆوندو سپورتى ەلىمىزدە وتە قارقىندى دامىپ كەلە جاتقان سپورتتىڭ بىرىنەن سانالادى. اسىرەسە, بالالاردىڭ قىزىعۋشىلىعى باسىمىراق كورىنەدى. ويتكەنى تاەكۆوندو ادەمى ءارى اسەرلى جەكپە-جەكتىڭ ءتۇرى دەپ ويلايمىن. وسى جارىستى ۇيىمداستىرۋشى قازاقستان تاەكۆوندو فەدەراتسياسى باسشىلارىنا, قولداۋ بىلدىرگەن استانا قالاسى اكىمدىگىنە, دەمەۋشىلەرگە العىسىمىزدى بىلدىرەمىز. ال جارىستا دايىندىعى جاقسى كۇشتىلەر جەڭىسكە جەتسىن دەپ تىلەيمىن» دەيدى استانا قالاسىنىڭ تاەكۆوندو فەدەراتسياسىنىڭ اتقارۋشى ديرەكتورى سۆياتوسلاۆ جەۆيد.
«استانا كۋبوگىنىڭ» جەڭىمپازدارى قازاقستان قۇراماسى ساپىنا قابىلدانىپ, حالىقارالىق جارىستاردا ەل نامىسىن قورعايتىن بولادى.
