ەلوردانىڭ مادەني ومىرىندە ەلەۋلى وقيعا بولدى. «تىلسىم شىعىس» اتتى ونەر كورمەسى اشىلىپ, وندا جەكەلەگەن كوللەكتسيالاردان الىنعان ۇزدىك تۋىندىلار قويىلدى.
تاۋەلسىزدىك سارايىنىڭ گالەرەياسىندا تىزىلگەن اسەم جۇمىستاردان شىعىستىڭ تەرەڭ ءپالساپاسىن, وزگەشە مادەنيەتىن, عاسىرلار بويى دامىتىلىپ كەلە جاتقان دانالىعىن بايقاۋعا بولادى. مۇندا قىتاي, قازاقستان, يران, وزبەكستان, تۇركىمەنستان قىل قالام شەبەرلەرىنىڭ شىعارمالارى توپتاستىرىلعان. شىعىستى سيپاتتايتىن كارتينالاردان بولەك, ءتۇرلى قولونەر بۇيىمدارى, تۇرمىس-سالت زاتتارى ۇسىنىلعان.
تۇركى الەمىنىڭ استاناسى جىلى اياسىندا ۇيىمداستىرىلعان بۇل شارا كەلەم دەۋشىلەرگە ەسىگىن ايقارا اشىپ وتىر. كورمە تامىز ايىنا دەيىن جالعاسادى.
تاۋەلسىزدىك سارايى توراعاسىنىڭ ورىنباسارى گالينا لۋزيانينانىڭ ايتۋىنشا, «شىعىس مادەنيەتىنىڭ وزگەلەردەن ايىرماشىلىعى – ونىڭ وتە باي ءافسانا-اڭىزدارىندا, قايتالاۋعا كەلمەيتىن ورنەكتەرىندە, ءبىر-بىرىمەن تەرەڭ ۇيلەسىم تاۋىپ جاتاتىن كۇردەلى فورمالارىندا. دارىندى تۋىندىگەرلەر مۇنى انىق تا, قانىق تۇستەرمەن بەرە وتىرىپ, شىعىستىڭ وزگەشە پاليتراسىن كورسەتە بىلگەن».
مۇنداي كورمەنىڭ قازىرگى تاڭدا ەۋرازيانىڭ كىندىگى اتانىپ وتىرعان ەلوردامىزدا جاسالۋى جاس قالانىڭ مادەني تىنىسىنا ۇلكەن سەرپىن بەرەدى. شىعىستىڭ ايدىك سارايلارى مەن عيباداتحانالارىنىڭ سۋرەتتەرى, ساۋلەت ونەرىنىڭ وزىق ۇلگىلەرى, ەرتەگىلەردەگى عاجايىپ كەيىپكەرلەر, شىعىستىڭ ەرەكشە كوركى – كىلەمدەردىڭ ءتۇرلى-ءتۇرلىسىن كورە الاسىز. مىڭجىلدىقتار بويىنا جيناقتالعان باي الەمنىڭ ءبىر بولشەگىن تاماشالاۋعا مۇمكىندىك تۋىپ وتىر.
شىنار ءابىلدا
