ەلوردانىڭ ءوسiپ-وركەندەۋi, قارقىندى قۇرىلىس جۇمىستارى جانە سوعان سايكەس ەلەكتر قۋاتىن تۇتىنۋ كولەمi ۇلعايدى. ماسەلەن, 2000 جىلدان 2009 جىلعا دەيiنگi كەزەڭدە استانادا جىلۋ ەنەرگياسىن پايدالانۋ 43 پايىزعا, ال ەلەكتر ەنەرگياسى 53 پايىزعا ارتقان. بۇگىندە قالانىڭ قولدانىستاعى ەنەرگيامەن قامتۋ جۇيەسiنiڭ قاجەتتiلiگiن ارتتىرۋ ۋاقىت تالابىنان تۋىنداپ وتىر. قۇرىلىسى 2008 جىلى باستالعان 2-جەو جاڭا سۋ جىلىتاتىن قازاندىق 25 قىركۇيەككە دەيىن ىسكە قوسىلادى دەپ كۇتىلۋدە. ال جىلۋ ماۋسىمى باستالعاندا ول پايدالانۋعا بەرىلەتىن بولادى. وتكەن اپتادا پرەزيدەنت نۇرسۇلتان نازارباەۆ وسى ستراتەگيالىق نىساننىڭ دايىندىق بارىسىمەن تانىستى.
بۇل قازاندىق قالانىڭ تۇراقتى دامۋىنا, سونداي-اق ەلوردا اۋماعىنداعى يندۋستريالىق جوبالاردىڭ وركەندەۋiنە سەرپىن بەرەدى. جوبانىڭ جالپى قۇنى – 33 ميلليارد تەڭگە. قازاندىقتىڭ كوزدەلىنگەن قۋاتتىلىعى – 480 گكال-ساع. مۇندا ورنالاسقان ءتورت جىلىتۋ قازاندىعىنىڭ ارقايسىسى 120 گيگوكالوريعا تەڭ. وسى ۋاقىتقا دەيىن قالا تۇرعىندارىنا 70 گرادۋسپەن ىستىق سۋ بەرىلسە, الداعى ۋاقىتتا 150 گرادۋسقا دەيىن كوتەرۋگە مۇمكىندىك بار. ەنەرگەتيكالىق نىسان پايدالانۋعا بەرىلگەننەن كەيىن, استانانى ساپالى جىلۋمەن قامتۋ تالابى جاقسارىپ, جىلۋعا دەگەن تاپشىلىق ازاياتىن بولادى.
جالپى, باس قالادا جىل سايىن بىرنەشە نىساندار بوي كوتەرەدى. ءالى سالىناتىن تالاي قۇرىلىس جوبالارى بار. سوندىقتان, جىلۋدان تارشىلىق كورمەۋ ءۇشىن 2013-2015 جىلدارعا قاراي, قۋاتى 240مۆت ەنەرگيانى وندىرۋگە جەتەتىن تاعى ءبىر ستانتسيا سالىنادى. مۇنداي اۋقىمدى جوبالاردى ىسكە اسىرۋ ەكونوميكالىق جانە الەۋمەتتىك سالالاردى دامىتۋ ءۇشىن دە ۇلكەن سەرپىن بەرەتىنى بولجالىپ وتىر.
گۇلميرا ايماعانبەت
