جاقىندا «نۇر وتان» پارتياسى الماتى اۋدانى فيليالىنىڭ ءحىح ەسەپتىك-سايلاۋ كونفەرەنتسياسى ءوتتى.
كونفەرەنتسياعا «نۇر وتان» پارتياسى اcتانا قالالىق فيليالى توراعاسىنىڭ ءبىرىنشى ورىنباسارى ساپار احمەتوۆ, الماتى اۋدانىنىڭ اكىمى بەكبول ساعىن, قالالىق ءماسليحات دەپۋتاتى, «نۇر وتان» پارتياسى الماتى اۋداندىق فيليالىنىڭ توراعاسى اباي بايگەنجين جانە باستاۋىش پارتيا ۇيىمدارىنىڭ وكىلدەرى قاتىستى.
كونفەرەنتسيانىڭ كۇن تارتىبىندە – ساياسي كەڭەس جانە ساياسي كەڭەس بيۋروسىنىڭ الماتى اۋداندىق فيليالىنىڭ 2013-2014 جىلدارداعى جۇمىسى, پارتيانىڭ الماتى اۋداندىق فيليالى ساياسي كەڭەسىن تاعايىنداۋ, «نۇر وتان» پارتياسى استانا قالالىق فيليالىنىڭ ەسەپتىك-سايلاۋ كونفەرەنتسياسىنا وكىلدەرىن تاعايىنداۋ, پارتيانىڭ الماتى اۋداندىق فيليالى ساياسي كەڭەس وتىرىسىن ۇيىمداستىرۋ (پارتيانىڭ الماتى اۋداندىق فيليالى ساياسي كەڭەس بيۋروسىنىڭ مۇشەلەرىن تاعايىنداۋ) ماسەلەلەرى قارالدى.
جيىندا «نۇر وتان» پارتياسى الماتى اۋداندىق فيليالىنىڭ 2013-2014 جىلدار ارالىعىندا اتقارىلعان جۇمىستارى بويىنشا ساياسي كەڭەس پەن ساياسي كەڭەس بيۋروسىنىڭ ەسەبى تىڭدالدى. سونداي-اق, كۇن تارتىبىندەگى ماسەلەلەر بويىنشا «نۇر وتان» پارتياسى الماتى
اۋدانى فيليالىنىڭ ساياسي كەڭەسىنە جيىرما توعىز ادام, ساياسي كەڭەس بيۋروسىنا توعىز ادام سايلاندى. ەسەپتىك-سايلاۋ كونفەرەنتسياسىنىڭ مۇشەلەرى انىقتالدى.
ساعي ورال
