بۇگىن قازاقستان پرەمەر-ءمينيسترى كارىم ءماسىموۆ قر پارلامەنتى پالاتالارىنىڭ بىرلەسكەن وتىرىسىنا قاتىستى, ونىڭ بارىسىندا 2015 جىلعى رەسپۋبليكالىق بيۋدجەتتىڭ اتقارىلۋى تۋرالى ەسەپ قارالىپ, بەكىتىلدى.
دەپۋتاتتاردىڭ الدىندا ءسوز سويلەگەن ك.ءماسىموۆ قر پرەزيدەنتى ن.ءا.نازارباەۆتىڭ تاپسىرماسى بويىنشا ۇكىمەت ارەكەتتەگى باعدارلامالار اياسىندا قاراجاتتى قايتا ءبولۋ بويىنشا جۇمىس جۇرگىزىپ جاتقانىن ايتىپ ءوتتى.
«ءبىز «نۇرلى جول» باعدارلاماسىنىڭ كەيبىر باپتارىن, اعىمداعى ەكونوميكالىق جاعدايدى ەسكەرە وتىرىپ, ۇكىمەتتىڭ ىشىندەگى كەيبىر قوسىمشا رەسۋرستاردى قايتا قارايمىز. قىسقا مەرزىمدى جوسپاردا قاراجاتتى الدەقايدا تيىمدىرەك پايدالانۋدى كوزدەپ وتىرمىز», – دەدى ك.ءماسىموۆ.
پرەمەر-ءمينيستردىڭ پىكىرىنشە, ەكونوميكا وسىمىنە تۇرعىن ءۇي قۇرىلىسى كولەمىن ودان ءارى ۇلعايتۋ جاقسى سەرپىن بولماق. وسى ماقساتتاعى «نۇرلى جول» باعدارلاماسىنىڭ جاڭا باعىتى جتق ينفراقۇرىلىمىن جۇرگىزۋ بولماق.
«ينفراقۇرىلىممەن قامتاماسىز ەتىلگەننەن كەيىن 10 سوتىق جەر ءبولۋ ماسەلەسى بۇل جاعدايدى شەشۋ ءۇشىن وڭ تۇزەتۋلەر ەنگىزەدى دەپ سانايمىز. سوندىقتان رەسۋرستاردىڭ ءبىر بولىگى جەكە تۇرعىن ءۇي قۇرىلىسى ينفراقۇرىلىمىن دامىتۋعا باعىتتالاتىن بولادى», – دەپ باسا ايتتى ك.ءماسىموۆ.
سونداي-اق ەل پرەزيدەنتىنىڭ تاپسىرماسىمەن ۇكىمەت مەملەكەتتىڭ ەكونوميكالىق ساياساتىنا وزگەرىستەر ەنگىزۋ بويىنشا ماسەلەلەرىن تالقىلاۋدا, ولار اعىمداعى جىلدىڭ قىركۇيەگىندە پارلامەنتتىڭ قاراۋىنا ەنگىزىلەدى, دەدى پرەمەر-مينيستر.
ءوز ءسوزىنىڭ سوڭىندا كارىم ءماسىموۆ پارلامەنت دەپۋتاتتارىنا اشىق جانە كونسترۋكتيۆتى ديالوگ ءۇشىن العىس ايتتى.
primeminister.kz
