ۇكىمەتتىك ەمەس ۇيىمدار بەلسەندى
كەشە مەملەكەت باسشىسى نۇرسۇلتان نازارباەۆتىڭ «قازاقستان – 2050» ستراتەگياسى اياسىندا «قازاقستان رەسپۋبليكاسىنداعى ازاماتتىق قوعامنىڭ دامۋ كونتسەپتسياسى» اتتى دوڭگەلەك ۇستەل ءوتتى. وعان قالاداعى ۇكىمەتتىك ەمەس ۇيىمداردىڭ جەتەكشىلەرى مەن جاستار قاتىستى.
فورۋمدا ءسوز العان «استانا ۇەۇ فورۋمى» بىرلەستىگىنىڭ ءتورايىمى بايان احمەتجانوۆا جەرگىلىكتى بيلىك پەن ازاماتتىق قوعام وكىلدەرىنىڭ اراسىندا جۇيەلەنگەن قارىم-قاتىناس قالىپتاسقانى تۋرالى ءسوز قوزعادى. «ەلباسى مەملەكەتىمىزدىڭ 2050 جىلعا دەيىنگى دامۋ ستراتەگياسىن ايقىندادى. ءبىز الەمنىڭ ەڭ دامىعان وتىز ەلىنىڭ قاتارىنا قوسىلۋدى ماقسات ەتىپ وتىرمىز. بۇل ماقساتقا تەك مەملەكەت, قوعام مەن ءاربىر قازاقستاندىق بىرلەسە كۇش سالعاندا عانا جەتە الامىز. بۇل جەردە ازاماتتىق قوعامنىڭ ءرولى ەرەكشە. ەلباسى وسىنى ايرىقشا اتاپ وتكەن بولاتىن» دەدى ول.
سونىمەن قاتار, ءىس-شارا بارىسىندا مەملەكەت پەن ۇكىمەتتىك ەمەس سەكتوردىڭ ءوزارا ارەكەتتەستىگىنە قاتىستى وزەكتى ماسەلەلەر تالقىلاندى.
شاراعا قاتىسۋشىلارعا الەۋمەتتىك ماڭىزى بار جوبالاردى قۇرۋ جونىندە كەڭەس بەرىلدى. ماڭىزدى جوبالاردىڭ بارلىعى ەلباسىنىڭ «قازاقستان – 2050» ستراتەگياسىن ىسكە اسىرۋمەن قاتار, تۇرعىنداردىڭ پروبلەمالارىن شەشۋگە باعىتتالعان.
ەركەجان ساتىمبەك