جاڭالىقتار

ۇلكەن جيىرمالىققا ءۇن قوسۋ

پرەزيدەنت نۇرسۇلتان نازارباەۆ سانكت-پەتەربورداعى G20 ءسامميتىنىڭ سەسسياسىنا قاتىستى. بۇل تۋرالى پرەزيدەنتتىڭ ءباسپاسوز قىزمەتى حابارلادى.  

مەملەكەت باسشىسى ماڭىزدى الەمدىك شەشىمدەردى قابىلداۋ كەزىندە كوپتەگەن دامۋشى ەلدەردىڭ ۇستانىمى ءىس جۇزىندە نازارعا الىنبايتىنىن ايتتى.

– قازاقستان ءتارىزدى ەلدەردىڭ دە پىكىرى ەلەنۋى ءۇشىن بۇدان ەكى جىل بۇرىن مەنىڭ تاراپىمنان G-GLOBAL جوباسى باستاما رەتىندە كوتەرىلدى. ول G8-گە جانە G20-عا بالاما ەمەس, قازىرگى كەزدە اقپاراتتىق-كوممۋنيكاتيۆتىك الاڭ رەتىندە ىسكە اسىرىلىپ جاتقان جاھاندىق ديالوگتىڭ قوسىمشا قۇرالى عانا, – دەدى مەملەكەت باسشىسى. G-GLOBAL-دان بولەك قازاقستاننىڭ باستاماسى بويىنشا بۇۇ باس اسسامبلەياسىنىڭ قولداۋىمەن استانادا 104 ەلدىڭ ەكونوميكالىق ۆەدومستۆولارى جەتەكشىلەرىنىڭ قاتىسۋىمەن داع­دارىسقا قارسى بۇكىلالەمدىك كونفەرەنتسيا وتكىزىلدى. وسى يننوۆاتسيالىق جاھاندىق ديالوگ فورماتىنا باسا نازار اۋدارعان ەلباسى مەيلىنشە وزەكتى پروبلەمالاردى شەشۋگە قاتىستى ءوز كوزقاراسىن ءبىلدىردى. نۇرسۇلتان نازارباەۆ ايتىلعان ۇسىنىستاردىڭ نازارعا الىنىپ, اتالعان سالالارداعى قىزمەتتىڭ جاندانا تۇسەتىنىنە سەنىم ءبىلدىردى.

گۇلميرا ايماعانبەت

تاعىدا

ۇقساس جاڭالىقتار

پىكىر ۇستەۋ

Back to top button