ءبىلىم

ۇلت بولاشاعى – ۇرپاق تاربيەسىندە

قازىرگى ۇلت پەداگوگيكاسىنىڭ الدىندا تۇرعان مىندەت – ۇلتتىق قۇندىلىقتارمەن قانىققان, جاۋاپتى, ەڭبەكقور, بەلسەندى, وتانشىل جانە وزىندىك ازاماتتىق ۇستانىمعا يە ۇرپاقتى تاربيەلەۋ. ءبىلىم بەرۋ ۇيىمدارىنداعى تاربيە جۇمىسىنىڭ دەڭگەيىن ارتتىرۋ جانە تاربيە پروتسەسىن ۇيىمداستىرۋدىڭ زاماناۋي تاسىلدەرىن پايدالانۋ ماقساتىندا استانادا «ۇرپاق تاربيەسى – ۇلت بولاشاعى» اتتى بىرىڭعاي پەداگوگيكالىق كەڭەس ءوتتى.

پەداگوگيكالىق كەڭەسكە قر وقۋ-اعارتۋ مينيسترلىگىنەن, الەۋمەتتىك ارىپتەس­تەر, ءبىلىم بەرۋ ۇيىمدارى, اتا-انالار بىرلەستىكتەرىنەن بارلىعى 1500 ادام قاتىستى. جيىندا استانا قالاسى ءبىلىم باسقارماسى باسشىسىنىڭ ورىنباسارى  مارجان قايىرباەۆا بالا تاربيەسىنە قاتىستى اتا-انالار ءۇشىن ماڭىزدى نارسەلەرگە توقتالىپ ءوتتى.

قاتىسۋشىلار بالانىڭ رۋحاني-­ادامگەرشىلىك قۇندىلىقتارىن تاربيە­لەۋدەگى وتباسىنىڭ ءرولى, مەكتەپ پەن وتباسىنىڭ ءوزارا ءىس-قيمىلى تۋرالى سۇراقتاردى تالقىلادى. پەداگوگيكالىق كەڭەس اياسىندا 9 ادىستەمەلىك الاڭ جۇمىس ىستەدى.

سپيكەرلەر قر «اكەلەر وداعى» رەس­پۋبليكالىق قوعامدىق بىرلەستىگىنىڭ توراعاسى م.ايتماعانبەت, كوشباسشىلىق جانە موتيۆاتسيا بويىنشا جاتتىقتىرۋشى, «جاڭا ۇرپاق» رەسپۋبليكالىق كوشباسشىلىق مەكتەبىنىڭ نەگىزىن قالاۋشى ا.ابجانوۆ, «قوعامنىڭ جاڭارۋى» قوعامدىق بىرلەستىگىنىڭ باسشىسى ۆ.ەۆدوكيموۆ, «ءبىلىم-يننوۆاتسيا» حالىقارالىق قوعامدىق قورىنىڭ تاربيە ءبولىمىنىڭ باسشىسى س.سماقوۆ, ق.ساتباەۆ اتىنداعى «BINOM SCHOOL» مەكتەپ-ليتسەيىنىڭ ديرەكتورى ق.بايتاجيكوۆا جانە №37 مەكتەپ-ليتسەيىنىڭ پەداگوگى م.ءبىلال ءوز باياندامالارىندا وسى سالانىڭ وزەكتى ماسەلەلەرىن ءسوز ەتتى.

جاڭارتىلعان ءبىلىم مازمۇنىنا ەنگىزىلگەن وزگەرىستەردىڭ ءمانى قۇندىلىقتارعا باعدارلانعان وقىتۋ ءتاسىلىن قولدانۋدى كوزدەيدى. بۇل رەتتە,  اسىرەسە, تاربيە ماسەلەسىنە ەرەكشە كوڭىل بولىنەدى. تاربيە جۇمىسىن ۇيىمداستىرۋداعى باسىمدىق بالالاردىڭ جەكە باسىنا قۇرمەت پەن سەنىم, بالالاردىڭ قۇقىقتارى مەن زاڭدى مۇددەلەرىن قامتاماسىز ەتۋ, وسى ماقساتتا كەمشىلىكتەردى بولدىرماۋدى كوزدەيدى. تاربيە جۇمىستارىندا ورتا ءبىلىم بەرۋ ۇيىمدارىندا مەكتەپ پەن مەن اتا-انالاردىڭ ءوزارا ارەكەت ەتۋدىڭ جاڭا فورماتى انىقتالدى. مەكتەپ پەن اتا-انانىڭ ءوزارا ءىس-قيمىلىنىڭ جاڭا فورماتىن ىسكە اسىرۋ شەڭبەرىندە اتا-انالار قاۋىمداستىعىمەن جۇمىس ىستەۋدىڭ ءتۇرلى دەڭگەيلەرى ايقىندالىپ وتىر. ولار: توپتىق, جەكە, ۇجىمدىق.  وتباسى مەن مەكتەپ اراسىنداعى قارىم-قاتىناستى ۇيىمداستىرۋداعى باستى مىندەتتەردىڭ ءبىرى – اتا-انالاردىڭ بالا تاربيەسىندەگى ءرولىن دۇرىس ءتۇسىنۋدى, مەكتەپ پەن سىنىپتىڭ وقۋ-تاربيە پروتسەسىنە قاتىسۋ قاجەتتىگىن قالىپتاستىرۋ.

مىنە, وسى ماسەلەلەر ەلوردادا وتكەن پەداگوگيكالىق كەڭەستە جان-جاقتى ءسوز بولدى. پەداگوگيكالىق كەڭەستە وقۋ-تاربيە جۇمىستارىنىڭ وزەكتى ماسەلەلەرى تالقىلاندى. وندا وقۋ-تاربيە پروتسەسىنىڭ جاي-كۇيىن, پەداگوگيكالىق قۇرامنىڭ كاسىبي قۇزىرەتتىلىك دەڭگەيىن, ءبىلىم الۋشىلاردىڭ وقىتىلۋىن, تاربيەلىلىگىن جانە دامۋىن دياگنوستيكالاۋ, ساپالى وقۋ-تاربيە جۇمىسى ءۇشىن بۇكىل ۇجىمنىڭ كۇش-جىگەرىن بىرىكتىرۋ, وقۋ-تاربيە پروتسەسىنىڭ ناتيجەلىلىگى مەن تيىمدىلىگى مونيتورينگىنىڭ نىساندارى مەن ادىستەرىن جەتىلدىرۋ جانە تاعى باسقا وزەكتى ماسەلەلەر ءسوز بولدى. جيىن سوڭىندا كۇن تارتىبىندەگى ماسەلە مەن سويلەۋشىلەر ءسوزىن ەسكەرە وتىرىپ پەداگوگيكالىق كەڭەس شەشىم قابىلدادى.

 

تاعىدا

گۇلشات ساپارقىزى

«استانا اقشامى» گازەتىنىڭ ءتىلشىسى, اقپارات سالاسىنىڭ ۇزدىگى

ۇقساس جاڭالىقتار

پىكىر ۇستەۋ

Back to top button