بۇگىنگى تاڭدا ەلورداداعى «ءۇمىت» داعدارىس ورتالىعىندا 57 قىزمەت الۋشى تۇرىپ جاتىر. ونىڭ 19-ى ەرەسەك ادام دا, 38-ءى – كامەلەتكە تولماعان بالا.
مۇندا, نەگىزىنەن, وتباسىندا تۇرمىستىق زورلىق-زومبىلىققا ۇشىراعان, قاتىگەزدىككە تاپ بولعان جاندارعا ارنايى الەۋمەتتىك كومەك كورسەتىلەدى. ورتالىق – 50 توسەكتىك. ال تۇرۋ ۋاقىتى – ءبىر ايدان التى ايعا دەيىن.
– ورتالىققا كەلۋشىلەر, اسىرەسە, ەلدە قاۋىپتى ىندەت باستالعان كەيىنگى ەكى جىلدا كۇرت ءوستى. بۇرىن جىلىنا «ءۇمىت» داعدارىس ورتالىعىنا 180 ادام تۇسەتىن بولسا, قازىر 270 ادامعا جەتىپ وتىر. ونىڭ 85-ءى ەرەسەك ازاماتشا دا, 185-ءى – كامەلەت جاسىنا تولماعان بالا. بۇعان قاراپ ءبىز كورسەتكىش جىلىنا 70 پايىزعا كوتەرىلگەنىن كورەمىز, – دەيدى نۇر-سۇلتان قالاسى اكىمدىگى «ءۇمىت» داعدارىس ورتالىعىنىڭ ديرەكتورى عاليحان كۋكانبەكوۆ.
– «ءۇمىت» داعدارىس ورتالىعىنا بيىل جازدا ءۇش بالاممەن كەلىپ ءتۇستىم. ءبىزدى مۇندا جاقسى قارسى الدى. اسىرەسە, پسيحولوگتار بىزبەن ەتەنە تىعىز قارىم-قاتىناستا جۇمىس ىستەدى. بالالارىمنىڭ دا جاعدايى جاقسى. وسىنداعى بالاباقشاعا بارادى, – دەيدى ورتالىقتان قىزمەت الۋشى ايگەرىم سەرىكباەۆا.
