ۇستازدار ەڭبەگى ۇلىقتالدى
جۋىردا پرەزيدەنت نۇرسۇلتان نازارباەۆتىڭ قازاقستان حالقىنا جولداۋى جاريالاندى. باس قۇجاتتا ءبىلىم سالاسىنا قاتىستى ماڭىزدى ماسەلەلەر قوزعالدى. ال, مەملەكەت باسشىسىنىڭ تاپسىرماسىن جەدەلدەتۋ ماقساتىنداعى شارالار باستالىپ كەتتى. ايتالىق, «اتامەكەن» قازاقستان كارتاسى» ەتنومەموريالدىق كەشەنى ۇيىمداستىرعان «ۇزدىك ساباق» بايقاۋى مارەسىنە جەتتى.
«تاۋەلسىزدىك – تىرەگىڭ, ەگەمەندىك – ەلدىگىڭ» اتتى شارانىڭ جەڭىمپازدارىن ماراپاتتاۋ ءراسىمى كەشە بەيبىتشىلىك جانە كەلىسىم سارايىندا ءوتتى.
بايقاۋعا 107 ۇستاز قاتىسىپ, 89 ساباق وتكىزگەن. ونىڭ 74-ءى – قازاق تىلىندە, 10 ساباق – ورىس تىلىندە, 5 ساباق اعىلشىن, ورىس, قازاق تىلدەرىندە ءوتتى. وسى ساباقتارعا بارلىعى 2225 وقۋشى اتسالىسقان.
«اتامەكەن» قازاقستان كارتاسى» ەتنومەموريالدىق كەشەنى بۇل ءبىلىم دوداسىن ءۇشىنشى جىل ۇيىمداستىرىپ وتىر. مۇراجاي مەن مەكتەپتەردىڭ ءوزارا قارىم-قاتىناسىندا جاڭا ءۇردىس قالىپتاستىرۋدى ماقسات ەتكەن شاراعا مەكتەپ باسشىلارى مەن ۇستازدار بەلسەندى قاتىستى. ەرەكشە قىزىعۋشىلىق تانىتتى» دەيدى ەتنومەموريالدىق كەشەننىڭ ديرەكتورى ءۇمىتحان مۇڭالباەۆا.
بايقاۋ قورىتىندىسى بويىنشا جيىرما ءتورت نوميناتسيانىڭ جەڭىمپازدارى ديپلومدارمەن ماراپاتتالدى. سونىمەن قاتار, ۇستازدارعا دەمەۋشىلەر باعالى سىيلىقتار تابىس ەتتى. ال «ۇزدىك ساباق» بايقاۋىنىڭ باس جۇلدەسىنە يە بولعان №54 مەكتەپتىڭ ۇستازى گۇلبارشا بۇركىتبايقىزى مەن №68 مەكتەپتىڭ مۇعالىمى ناعاشىبەرگەن كاربوزعا ءجۇز مىڭ تەڭگە بەرىلدى. سونداي-اق, «اتامەكەن» قازاقستان كارتاسى» ەتنومەموريالدىق كەشەنىمەن تىعىز قارىم-قاتىناس ورناتقان ەكى ۇستازعا تۇركيا مەن بىرىككەن اراب ءامىرلىكتەرىنە جولداما تابىس ەتىلدى. وسىعان قوسا 72 ۇستاز سەرتيفيكاتپەن, 35 مۇعالىم ەرەكشە ديپلوممەن ماراپاتتالدى. ال, بايقاۋدى وتكىزۋگە بەلسەنە قاتىسىپ, جوعارى ۇيىمداستىرۋشىلىق تانىتقان التى مەكتەپتىڭ باسشىسى مەن ورىنباسارلارى العىس حاتتارعا يە بولدى.
گۇلميرا ايماعانبەت