بيىل جاپپاي ۆەلوجارىس 5 شىلدەدە «استانا-بايتەرەك» مونۋمەنتى جانىندا باستالماق. ۆەلوجارىس كاسىبي سپورتشىلار مەن قالا تۇرعىندارى اراسىندا وتكىزىلەدى.
ول اقمەشىت كوشەسىنەن باستالىپ, ودان ءارى قوناەۆ كوشەسىنە بۇرىلادى, سودان كەيىن كولىك جانە كوممۋنيكاتسيا مينيسترلىگىنىڭ قىسقا كوشەسىنە قايىرىلادى. ودان ءارى دوستىق كوشەسىن بويلاپ, «نۇر استانا» مەشىتىنىڭ جانىنان وتەدى. بايگە اقمەشىت كوشەسىندە اياقتالادى.
جارىس اياسىندا ءداستۇرلى تۇردە ۆەلوجارىستىڭ كورەمەندەرى مەن قوناقتارى اراسىندا باعالى سىيلىقتار ۇتىسى ويناتىلادى. قازاقستان رەسپۋبليكاسىنىڭ ۆەلوسپورت فەدەراتسياسى باستى جۇلدەگە ۆەلوسيپەد پەن «استانا» كومانداسى كوشباسشىلارىنىڭ قولتاڭبالارى بار فۋتبولكا تىگىلەدى.
ەركەجان ساتىمبەك
