كەشە مينيسترلىكتەر ءۇيىنىڭ ءماجىلىس زالىندا «قازاقشا ۆيكيپەديا» جوباسىنا بايلانىستى باسپاسوز ءماسليحاتى ءوتتى.
وعان «سامۇرىق-قازىنا» ۇاق» اق قوعاممەن بايلانىس دەپارتامەنتىنىڭ ديرەكتورى ايدار ماحمەتوۆ, «WikiBilim» قوعامدىق قورىنىڭ جەتەكشىسى راۋان كەنجەحانۇلى جانە بۇقارالىق اقپارات قۇرالدارىنىڭ وكىلدەرى قاتىستى. ر.كەنجەحانۇلىنىڭ ايتۋىنشا, «قازاقشا ۆيكيپەديا» جوباسى وتكەن جىلدىڭ ماۋسىمىندا باستالعان. جوبانىڭ ماقساتى – عالامدىق «ۆيكيپەديا» ەنتسيكلوپەدياسىنىڭ قازاق ءتىلدى
تاراۋىن دامىتۋ. جوبا باستالعان كەزدە «ۆيكيپەديانىڭ» قازاقشا تاراۋىنداعى ماقالالار سانى سەگىز مىڭنان اسپاعان بولسا, ءبىر جارىم
جىل ىشىندە ماقالالار سانى ەكى ەسەگە ءوسىپ, ەكى ءجۇز مىڭنان اسقان. ەنتسيكلوپەديانى قولداناتىن اۋديتوريا دا ايتارلىقتاي ۇلعايعان.
ال, ا.ماحمەتوۆ قازاق «ۆيكيپەدياسىنىڭ » قارقىندى دامۋى الەمدىك ۆيكي-قاۋىمداستىقتىڭ جوعارى باعاسىنا يە بولعاندىعىن ايتىپ ءوتتى.
«قازاقشا ۆيكيپەديا» جوباسى – قر پرەزيدەنتى اكىمشىلىگىنىڭ باسشىسى كارىم ءماسىموۆتىڭ قامقورلىعىمەن جۇزەگە اسىپ جاتقان قازاق ءتىلدى مازمۇندى دامىتۋعا باعىتتالعان جوبالاردىڭ ءبىرى. اتالمىش جوبالاردىڭ قاتارىندا «قازاقستاننىڭ اشىق كىتاپحاناسى», «Creative Commons» ليتسەنزيالارىن ناسيحاتتاۋ, «Google Translate» قىزمەتىنە قازاق ءتىلىن قوسۋ, TED لەكتسيالارىن اۋدارۋ جانە تاراتۋ, سونداي-اق, وزگە دە عالامدىق ونلاين پلاتفورمالار مەن قىزمەتتەردى قازاق تىلىنە بەيىمدەپ, كوپشىلىككە اشۋ جانە ەركىن تاراتۋ باستامالارى بار.
حاميت ەسامان
