شاھار شەجىرەسى

ىبىراي جاقاەۆ – تىڭ ولكەسىندە

سىر وڭىرىندە كۇرىشتى بالاسىنداي ماپەلەپ, بابىن تاۋىپ, دۇنيەجۇزىلىك ­رەكورد جاساعان اتاقتى ديقان ىبىراي جاقاەۆتىڭ ەسىمى تاريح بەتىندە ايرىقشا ارىپتەرمەن ماڭگىلىككە جازىلىپ قالدى. ول كۇرىش ءوسىرۋدىڭ ادامزات بالاسى بۇرىن-سوڭدى بىلمەگەن ەرەكشە تىڭ ءادىسىن ويلاپ تاۋىپ, وسى ەرەن ەڭبەگى ءۇشىن كەۋدەسىنە ەكى مارتە سوتسياليستىك ەڭبەك ەرى التىن جۇلدىزىن قادادى.

ول كەزدە ىبەكەڭدەي اتى اڭىز­عا اينالعان ادامنىڭ ءىس-تاجىريبەسىمەن ءبولىسىپ, ونىڭ اۋزىنان شىققان ءاربىر تالىمگەرلىك ءسوزىن تىڭداۋ ءۇشىن رەسپۋبليكانىڭ تۇكپىر-تۇكپىرىنەن ارنايى شاقىرۋلار كەلىپ جاتاتىن. مىنە, وسىنداي ءبىر ىسكەرلىك باسقوسۋ 1961 جىلى تسەلينوگراد قالاسىندا وتكەن. مۇندا جاسى جەتپىستى القىمداپ قالسا دا, كۇرىشتىڭ اتاسى قازاقستاننىڭ اۋىل شارۋا­شىلىعى وزاتتارىنىڭ ماجىلىسىنە قاتىسىپ, ەل بايلىعىن ەسەلەۋ جولىنداعى ومىرشەڭ تاسىلىمەن بولىسسە كەرەك.

سۋرەتتە سولدان وڭعا قاراي: سوتسياليستىك ەڭبەك ەرى, قىزىلوردا وبلىسى قارماقشى اۋدانىنىڭ كۇرىششىسى پاك چەن ير, جامبىل وبلىسى جامبىل اۋدانىنىڭ قىزىلشاشىسى, سوتسياليستىك ەڭبەك ەرى د.جانتوقوۆا, گۋرەۆ وبلىسىنان كەلگەن جۇگەرىشى م.كلياچينا, گۋرەۆ وبلىسى «زابورىن» سوۆحوزىنىڭ جىلقىشىسى ۇ.مەڭەشقاليەۆا ىبىراي جاقاەۆپەن اڭگىمە-­دۇكەن قۇرۋدا.

عازيزا يساحان

 

تاعىدا

admin

«استانا اقشامى» گازەتى

ۇقساس جاڭالىقتار

پىكىر ۇستەۋ

Back to top button