ەلىمىزدىڭ بارلىق وڭىرىندە مۇلىكتى زاڭداستىرۋ ناۋقانى قىزۋ جۇرگىزىلۋدە. ەلوردا تۇرعىندارى دا بۇل شارادان قالىس قالماي, كولەڭكەدەگى قارجىسىن جارىققا شىعارىپ, قول استىنداعى مۇلكىن تىزىمدەتىپ جاتىر. استانا قالاسى قارجى باسقارماسىنىڭ مالىمەتىنشە, 24 ماۋسىمعا دەيىن جەرگىلىكتى اتقارۋشى ورگاندار جانىنداعى مۇلىكتى زاڭداستىرۋ جونىندەگى كوميسسياعا جالپى سوماسى 91,7 ملرد تەڭگەگە باعالاناتىن بارلىعى 6952 ءوتىنىش كەلىپ تۇسكەن.
كەلىپ تۇسكەن وتىنىشتەردىڭ باسىم بولىگى الماتى اۋدانىنىڭ تۇرعىندارىنا تيەسىلى بولىپ وتىر. مۇلىكتى جاريا ەتۋ ناۋقانى باستالعالى بەرى وسى اۋداندا جالپى سوماسى 50,7 ملرد تەڭگەنى قۇرايتىن 3260 ءوتىنىش كەلىپ تۇسكەن. ال ەسىل اۋدانىنىڭ اكىمدىگىنە 25,8 ملرد تەڭگەنىڭ 1148 ءوتىنىشى جولدانسا, سارىارقا اۋداندىق كوميسسياسى دا 15,1 ملرد تەڭگەنىڭ 2544 ءوتىنىشىن قاراپ ۇلگەرگەن.
ارنايى كوميسسيانىڭ شەشىمىمەن تۇرعىن جايلار مەن كوممەرتسيالىق نىسانداردى قوسقاندا جالپى سوماسى 55,5 ملرد تەنگەنى قۇرايتىن 8 784 نىسانعا قاتىستى ءوتىنىش قارالعان. بۇل وتىنىشتەردىڭ 2 941-ءى قاناعاتتاندىرىلىپ, 30,5 ملرد تەڭگەنىڭ 6 411 نىسانى زاڭداستىرىلدى. بۇلاردىڭ 3 340-ى تۇرعىن جايلار بولسا, قالعان 3 066-سى – كوممەرتسيالىق نىساندار. وسىلاردىڭ ىشىندە 5 زاڭدى تۇلعانىڭ قاتىسۋ ۇلەسى 457,9 مىڭ تەڭگەنى قۇرادى.
سونداي-اق, مۇلىكتى زاڭداستىرۋ ناۋقانى باستاۋ العالى بەرى قارجىنى جاريا ەتۋ بويىنشا 284,4 ملرد تەڭگە سوماسىنا 166 ارنايى دەكلاراتسيا تاپسىرىلعان. تاعى 8 ملن 110 مىڭ تەڭگەنىڭ قۇندى قاعازدارى جاريا ەتىلدى.
قارجى باسقارماسى ماماندارىنىڭ ايتۋىنشا, قابىلدانعان دەكلاراتسيالار بويىنشا كەلىپ تۇسكەن قارجىلار ەكىنشى دەڭگەيلى بانكتەردە اشىلعان اعىمدىق ەسەپشوتتارعا اۋدارىلىپ, زاڭداستىرىلىپ جاتىر.
جالپى جاريا ەتۋ ناۋقانى باستالعالى بەرى ەلىمىزدە 92 مىڭنان استام حابارلاسىپ, 1,9 ترلن تەڭگەنىڭ مۇلكى مەن اقشاسىن زاڭداستىرۋ تۋرالى ءوتىنىش بەرگەن. «بۇگىنگى تاڭدا 1,7 ترلن تەڭگەنىڭ مۇلكى مەن اقشاسى زاڭداستىرىلدى. ونىڭ تريلليون تەڭگەدەن استامى – بانك جۇيەسiنiڭ شوتتارىنا تۇسكەن قاراجات. ال شامامەن 300 ميلليارد تەڭگە كوميسسيالاردا وڭدەلiپ, الداعى ۋاقىتتا رەسمي تۇردە اينالىمعا تۇسەدى. بارلىعى 88 مىڭعا جۋىق جىلجىمايتىن مۇلىك انىقتالىپ, زاڭدى جولمەن تىركەۋگە الىندى. قازاقستان تەرريتورياسىنداعى مۇلىكتىڭ سوماسى 688 ملرد تەڭگە بولسا, ەل اۋماعىنان تىس جەرلەردەن كەلىپ تۇسكەن مۇلىكتىڭ سوماسى 1,3 ملرد تەڭگەنى قۇرادى. بۇلاردىڭ سىرتىندا 997 ملرد تەڭگە سوماسىنداعى اقشا زاڭداستىرىلدى» دەيدى قارجى ءمينيسترى باقىت سۇلتانوۆ.
بۇركىت نۇراسىل
