«قازاقستان رەسپۋبليكاسىنىڭ كاسىپكەرلىك كودەكسى» تالاپتارىنا ساي بيزنەس سۋبەكتىلەرىن تەكسەرۋ بەلگىلەنگەن زاڭ نەگىزىندە جۇزەگە اسىرىلادى. كاسىپكەرلەردى تەكسەرۋشىلەردىڭ ءتيىستى قۇجاتتارى بولۋى كەرەك.
قر كاسىپكەرلىك كودەكسىنىڭ 145-بابىنا ساي تەكسەرۋ مەملەكەتتىك ورگاننىڭ تەكسەرۋدى تاعايىنداۋ تۋرالى اكتىسى نەگىزىندە جۇزەگە اسىرىلادى. تەكسەرۋدى تاعايىنداۋ تۋرالى اكتىدە ونىڭ ءنومىرى مەن كۇنى, مەملەكەتتىك ورگاننىڭ اتاۋى, تەكسەرۋ جۇرگىزۋگە ۋاكىلەتتىك بەرىلگەن ادامنىڭ تەگى, اتى, اكەسىنىڭ اتى (ەگەر ول جەكە باسىن كۋالاندىراتىن قۇجاتتا كورسەتىلمەسە) جانە لاۋازىمى, تەكسەرۋ ءۇشىن تارتىلاتىن ماماندار, كونسۋلتانتتار جانە ساراپشىلار تۋرالى مالىمەتتەر, تەكسەرىلەتىن سۋبەكتىنىڭ اتاۋى نەمەسە وزىنە قاتىستى تەكسەرۋ جۇرگىزۋ تاعايىندالعان جەكە تۇلعانىڭ تەگى, اتى, اكەسىنىڭ اتى, ونىڭ تۇرعان جەرى, سايكەستەندىرۋ ءنومىرى, اۋماعىنىڭ ۋچاسكەسى كورسەتىلەدى.
زاڭدى تۇلعانىڭ فيليالىن نەمەسە وكىلدىگىن تەكسەرگەن جاعدايدا تەكسەرۋ تۋرالى اكتىدە ونىڭ اتاۋى, تۇرعان جەرى كورسەتىلەدى, سونداي-اق, تاعايىندالعان تەكسەرۋدىڭ ماقساتى, تەكسەرۋ جۇرگىزۋ مەرزىمى, تەكسەرۋ جۇرگىزۋدىڭ قۇقىقتىق نەگىزدەرى, كەزەڭى, اكتىگە قول قويۋعا ۋاكىلەتتىلىك بەرىلگەن ادامنىڭ قولى جانە مەملەكەتتىك ورگاننىڭ ءمورى دە بەرىلۋى ءتيىس.
كودەكستىڭ وسى تالاپتارى كاسىپكەردى تەكسەرۋشى كەلگەندە باعدار رەتىندە قولدانۋعا مۇمكىندىك بەرەدى. ەسىل اۋداندىق پروكۋراتۋراسى ۋاكىلەتتى ورگاندارمەن بىرگە كاسىپكەرلەردى زاڭسىز تەكسەرۋدىڭ الدىن الۋ جانە كاسىپكەرلەردىڭ قۇقىعىن قورعاۋ ماقساتىندا كۇندەلىكتى جەدەل توپپەن جۇمىس جۇرگىزەدى. پروكۋراتۋرانىڭ «سەنىم تەلەفونى» 71-20-82, 71-20-83, 8 747 053 29 37. مەكەنجايى: استانا قالاسى, قابانباي باتىر داڭعىلى, 31.
مەڭدوللا شامۇراتوۆ
