سارىارقا اۋدانىندا كۇنىنە 20-عا جۋىق جابىق ايالداما كەشەنى تازالانادى.
اتالمىش اۋداندا جابىق ۇلگىدەگى 56 ايالداما كەشەنى ورناتىلعان. ءتيىستى سانيتارلىق كۇتىم ءۇشىن ەكى اۋىسىمدا ايالدامالاردى قوقىس پەن كىردەن تازارتاتىن بريگادالار جۇمىس ىستەيدى.
– سارىارقا اۋدانى بويىنشا بارلىعى 41 جابىق ايالداما كەشەنىنە قىزمەت كورسەتەمىز. ەكى اۋىسىمدا, ياعني كۇندىز دە, تۇندە دە تازالايمىز. نەگىزىنەن, جولاۋشىلارعا كەدەرگى كەلتىرمەۋ ءۇشىن جانە تاڭەرتەڭ قالا تۇرعىندارى اۆتوبۋستارىن تازا جەردە كۇتۋى ءۇشىن ايالدامالاردى تۇندە تازالايمىز, – دەيدى مەردىگەر كومپانيانىڭ قىزمەتكەرى ومار ورازباەۆ.
بريگادا قىزمەتكەرلەرىنىڭ ايتۋىنشا, كۇن سايىن 20-عا جۋىق كەشەن تازالانادى. سانيتارلىق تازالاۋ ەكى كەزەڭگە بولىنگەن: مەحانيكالاندىرىلعان تازالاۋ, ياعني قوقىستى شىعارۋ, سىپىرۋ جانە دىمقىل تازالاۋ, دەمەك ايالدامالاردىڭ بارلىق بەتتەرىن سۋمەن وڭدەۋ.
سارىارقا اۋدانى اكىمدىگىنىڭ ينفراقۇرىلىم جانە پەرسپەكتيۆالىق دامۋ ءبولىمى باسشىسىنىڭ مىندەتىن اتقارۋشى ءادىلجان ساعىندىقوۆتىڭ ايتۋىنشا, جاقىندا بيىل ورناتىلعان تاعى 10 جاڭا كەشەن ىسكە قوسىلادى.
– بۇل ايالدامالار ءالى ەلەكترمەن قامتاماسىز ەتىلمەگەن, بىراق ولاردىڭ بارلىعى بويىنشا كوممۋنيكاتسيالارعا قوسىلۋ جۇمىستارى جۇرگىزىلۋدە. قىزمەت كورسەتەتىن ايالدامالار سانىنىڭ ارتۋى تازالاۋ ساپاسىنا اسەر ەتپەيدى. ايالدامالاردى سانيتارلىق تازارتۋ كەستە بويىنشا, سونداي-اق تۇرعىندار سۇرانىستارى نەگىزىندە جۇزەگە اسىرىلادى, – دەدى ءا.ساعىندىقوۆ.
ايالدامالاردىڭ جاعدايىنا قاتىستى شاعىمدار بولسا, تۇرعىندار iKomek-كە, سارىارقا اۋدانى اكىمى اپپاراتىنىڭ الەۋمەتتىك جەلىلەرىنە حابارلاسىپ, «سارىارقا اۋدانى» تەلەگرام-چاتىنا جازا الادى.
