جادىمداعى جەتى كۇن
اشارشىلىققا ءارحيۆتىڭ «كوزىمەن قاراماۋىمىز قاجەت
بۇل اپتادا ەلوردالىقتاردىڭ ەرەكشە ەسىندە قالعانى اشارشىلىق قۇرباندارىنا ارنالعان ەسكەرتكىشتىڭ اشىلۋى بولدى. سالتاناتتى شارادا مەملەكەت باسشىسى مەن زيالى قاۋىم وكىلدەرى تاراپىنان اشىق پىكىرلەر ايتىلدى. بايقاساڭىز, مۇنداي وتكىر ويلار بۇعان دەيىن كوپ ايتىلا بەرمەيتىن.
كەشە اشارشىلىق وقيعاسىن تالداپ تارازىلايتىن ۇلكەن حالىقارالىق كونفەرەنتسيا ءوتتى. جيىرما شاقتى ەلدىڭ تاريحشىلارى, عالىمدارى كەلدى.
سولارمەن پىكىرلەستىك. ومبىدان كەلگەن تاريحشىلار باتىس سىبىردە اشارشىلىقتىڭ قالاي جۇرگەنى, قۋعىن-سۇرگىننىڭ قالاي جاسالعانى جايىندا قۇندى مالىمەتتەر كەلتىردى.
ەلباسى ايتقانداي, قارالى جىلدار وقيعاسىنىڭ ءالى دە زەرتتەۋدى قاجەت ەتەتىن تۇستارى بار. ءبىز اشارشىلىق وقيعاسىنا تەك مۇراعاتتىڭ كوزىمەن قاراۋعا ۇيرەنىپ العانبىز. وكىنىشكە قاراي, زارداپتى باسىنان وتكەرگەن جانداردىڭ كوزىمەن قاراۋدى ۇمىت قالدىرىپ جاتامىز. بىزدە ءبىر وي تۋىپ وتىر. وسى جازدا ستۋدەنتتەردى اۋىلدى جەرلەرگە جىبەرىپ, قۋعىن-سۇرگىن جىلدارىنىڭ ءتىرى كۋاگەرلەرىمەن سۇحباتتاسۋدى تاپسىرماقشىمىز. سوسىن ونى قاعازعا ءتۇسىرىپ, ماقالالار دايىنداپ, دەرەكتەردى وقۋلىقتارعا ەنگىزۋدى ويلاپ وتىرمىز.
كەشەگى اشىلعان ەسكەرتكىش راسىندا قارالى جىلداردى ەلەستەتەتىندەي ەكەن. ساۋلەتشىنىڭ وزىندىك ويى, كوزقاراسى كورىنىپ تۇر. سول جاعالاۋعا نەگە قويىلمادى دەگەندەر تابىلىپ جاتىر. بىراق ەسكەرتكىشكە ورىن تاڭداۋدا دا قيسىنعا سۇيەنۋ كەرەك قوي. ەسكى قالا كەزىندە اشارشىلىقتىڭ كۋاسى بولدى. سوندىقتان, بۇعان ايتار قارسى پىكىرىم جوق.