ەلورداداعى «جاستار» سارايىندا جۇمىسسسىز ازاماتتارعا ارنالعان جالپىقالالىق بوس ورىندار جارمەڭكەسى ۇيىمداستىرىلىپ, وندا 50-دەن استام جۇمىس بەرۋشى قاتىستى.
جارمەڭكە جۇمىس ىزدەۋشىلەر ءۇشىن دە, جۇمىس بەرۋشىلەر ءۇشىن دە ءتيىمدى. ءىس-شارا بارىسىندا ولاردىڭ العاشقىلارى تۇراقتى جۇمىسقا ورنالاسسا, ال كەيىنگىلەرى مەكەمەلەرىنە قاجەتتى ماماندار تاپقاندارىنا قۋانىشتى.
جۇمىسپەن قامتۋ جانە الەۋمەتتىك باعدارلامالار باسقارماسىنىڭ جۇمىس بەرۋشىلەرمەن ءوزارا بايلانىس جاساۋ ءبولىمىنىڭ باسشىسى باقىت راكيشەۆانىڭ ايتۋىنشا, بيىل ەلوردادا وتكەن بوس ورىندار جارمەڭكەسىنە بارلىعى 2 مىڭنان استام جۇمىسسىز ازامات كەلگەن. كاسىپكەرلىكتى دامىتۋ جونىندەگى ۇلتتىق جوبا اياسىندا 1 مىڭنان استام ادام كەڭەس الدى.
– بيىل جوسپار بويىنشا 10 قالالىق بوس ورىندار جارمەڭكەسىن ۇيىمداستىردىق. اي سايىن ۇيىمداستىرىلعان جارمەڭكەگە شامامەن 200-400 ادام قاتىسىپ كەلدى. ونىڭ ىشىندە قالاعان جۇمىسىن تاۋىپ, ەڭبەك ەتىپ جاتقان ادامدار دا بار, – دەدى ءبولىم باسشىسى.
قالالىق پوليتسيا دەپارتامەنتى بوس ورىندار جارمەڭكەسىنە تۇراقتى قاتىسۋدا. سەبەبى ەلورداداعى جەدەل دەن قويۋ ارنايى جاساعىندا 168 بوس جۇمىس ورنى بار. ينسپەكتور ج.مۇسابەكوۆتىڭ ايتۋىنشا, قالالىق بوس ورىندار جارمەڭكەسىنەن كەيىن 4-5 ازامات جۇمىسقا قابىلداۋعا ءوتىنىش بىلدىرەدى ەكەن.
– بىزدە ينسپەكتور جانە جۇرگىزۋشىگە بوس ورىندار بار. تالاپ بويىنشا جوعارى ءبىلىمدى, زاڭگەر ماماندىعى بار, اسكەرگە بارعان جانە سپورتتان ءبىرىنشى رازريادتى قىزمەتكەرلەر قاجەت. ەگەر قۇجاتتارى سايكەس كەلسە, ءارى قاراي مەديتسينالىق تەكسەرىستەن وتەدى, – دەدى ينسپەكتور.
بۇگىنگى تاڭدا جۇمىس بەرۋشىلەر ۇسىنعان ەڭ سۇرانىسقا يە ماماندىقتار: تاربيەشى, كاسسير, فارماتسەۆت, سلەسار, بۋحگالتەر, ساۋلەتشى, ينجەنەر-جوبالاۋشى, ءارتۇرلى ساناتتاعى جۇرگىزۋشى, ساتۋ جونىندەگى مەنەدجەر, قارجى كەڭەسشىسى, كرەديتتىك مەنەدجەر. كادرلارداعى ەڭ ۇلكەن تاپشىلىق دەنساۋلىق ساقتاۋ, ساۋدا, قۇرىلىس جانە ءوندىرىس سالالارىندا بايقالدى.
بوس ورىندار جارمەڭكەسىن وتكىزۋ بارىسىندا اڭگىمەلەسۋگە 480-نەن استام ادام شاقىرىلدى, ونىڭ ىشىندە 276 جۇمىس ىزدەۋشى تۇراقتى جۇمىس ورىندارىنا ورنالاستىرىلدى. مۇندا كەلۋشىلەر جۇمىس بەرۋشىلەرمەن تىكەلەي سويلەسىپ, جۇمىسپەن قامتۋ ورتالىعىنىڭ ماماندارىنان وزدەرىن قىزىقتىراتىن ماسەلەلەر بويىنشا كەڭەستەر الدى.
