دارحان قىدىءرالى, تۇركى كەڭەسى باس حاتشىسىنىڭ ورىنباسارى.
الىپپە, تاڭبا – تەك وركەنيەت پەن مادەنيەتتىڭ ءرامىزى عانا ەمەس, مەملەكەتتىڭ تاۋەلسىزدىگىن دە بىلدىرەتىن ايرىقشا سيمۆول. ول مەملەكەتتىڭ ءوز جولى, ءوز تاڭداۋى جۇزەگە اسىپ وتىرعانىن كورسەتەدى. سونىڭ ىشىندە, لاتىن الىپپەسى بۇگىندە جاھاندىق قولدانىسقا يە بولۋدا, سوندىقتان ول قازاق حالقىنىڭ الەمدىك ۇردىسكە ارالاسۋىنا دا ىقپال ەتەدى. ونىڭ ۇستىنە قازىرگى قارىپپەن قوعام ەكىگە جارىلىپ وتىر. ماسەلەن, قازاق تىلىندە «ماسكەۋ», «قاراعاندى» دەپ, ال ورىس تىلىندە «موس-كۆا», «كاراگاندا» دەپ جازىپ ءجۇرمىز. لاتىن قارپى ارقىلى ەملەنى قازاقشالاندىرساق, بۇل ماسەلە بىرىزگە تۇسەر ەدى. بۇل ەل ازاماتتارىنىڭ قازاق ءتىلىن تەزىرەك ۇيرەنۋىنە دە سەپتىگىن تيگىزەدى. سوندىقتان, الىپپە اۋىستىرۋ ءبىر جاعىنان سانانى سىلكىندىرىپ, قوعامدى بىرىكتىرىپ, ەل تاۋەلسىزدىگىن نىعايتسا, ەكىنشىدەن, جاھان جۇرتشىلىعىمەن دە بايلانىسىن ارتتىرا تۇسەدى. ءوزىڭىز بىلەسىز, ازەربايجان, تۇركيا, وزبەكستان جانە تۇركىمەنستان الدەقاشان لاتىن قارپىنە كوشكەن. تاياۋدا تۇركى كەڭەسىندە وسى ماسەلەگە قاتىستى جيىن وتكىزىپ, تۇركى اكادەمياسى بۇل ماسەلەگە قاتىستى عىلىمي جۇمىستارىن باستاعان ەدى. سوندىقتان ەلباسىنىڭ ءوز جولداۋىندا 2025 جىلدان باستاپ تۇتاس لاتىن الىپبيىنە كوشەمىز دەگەن ماقسات قويۋى – قۇپتارلىق جاعداي.