جاڭالىقتار

جاھان جۇرتىنىڭ جيىنى ەلوردادا استانا ەكونوميكالىق فورۋمى باستالادى

استانا ەكونوميكالىق فورۋمى بيىل وسىمەن ونىنشى رەت وتكەلى تۇر. «جاڭا ەنەرگيا – جاڭا ­ەكو­نوميكا» دەگەن تاقىرىپپەن وتەتىن جيىن 15-16 ماۋسىم كۇندەرى الەمنىڭ تانىمال ­عالىم­دارى, ەكونوميستەرى جانە ساياساتكەر­­لە­رى­نىڭ قاتىسۋىمەن جاھان ەكونوميكاسىنىڭ ­وزەكتى ماسەلەلەرىن تالقىلاپ, ولاردى شەشۋدىڭ توتە جولدارىن قاراستىرادى.

ekoforum-e1464172132886

استانا ەكونوميكالىق فورۋمى ءوزىنىڭ اۋقىمى جاعىنان كۇللى ەۋرازيا كەڭىستىگىندە بۇل سالادا تەڭدەسى جوق جيىن بولىپ تابىلادى. ول جىل سايىن جاز ايلارىندا ەلوردادا الەم ليدەرلەرىنىڭ, حالىقارالىق ساراپشىلاردىڭ, عالىمداردىڭ, ساياسي قايراتكەرلەردىڭ, ءتۇرلى قارجى ينستيتۋتتارى مەن بيزنەس-قوعامداستىقتار وكىلدە­رى­نىڭ باسىن قوسادى.
بۇل فورۋمدى 2008 جىلى الەمدەگى قارجى-ەكونوميكالىق داعدارىستىڭ ەكپىنىن باسۋعا كەرەكتى تەتىكتەردى ىزدەستىرۋ ماقساتىنداعى جاھاندىق قۇرال رەتىندە قازاقستان پرەزيدەنتى نۇرسۇلتان نازارباەۆ ومىرگە كەلتىرگەن ەدى. فورۋم سول كەزدە «عالىمداردىڭ ەۋرازيالىق ەكونوميكالىق كلۋبى» قاۋىمداستىعى رەتىندە قالىپتاستى. قازىرگى تاڭدا قاۋىمداستىق جاھاننىڭ 120 ەلى وكىلدەرىنىڭ باسىن بىرىكتىرىپ وتىر.

فورۋم ءوزىنىڭ باستاۋىن 2008 جىلعى 27 ماۋسىمنان الادى. ول «جاھاندانۋ جاعدايىنداعى ەكونوميكالىق دامۋدىڭ قا­زىر­گى زامانعى اسپەكتىلەرى» تاقىرىبىنا ارنالدى. جيىنعا جاقىن جانە الىس 40 شەت ەلدەن دەلەگات كەلدى. فورۋم شەڭبەرىندە قازىرگى زاماننىڭ نەگىزگى ەكونوميكالىق جانە الەۋمەتتىك شاقىرۋلارىمەن كۇرەستىڭ شەشىمدەرىن تابۋ جايى تالقىلاندى.

ەكىنشى ەكونوميكالىق فو­­­­رۋم­نى­ڭ جا­لاۋ كوتەرەتىن شاعى ­2009 جىل­عى 11-12 ناۋرىز كۇندەرىنە سايكەس كەلدى. ونىڭ باستى ماقساتى 2009 جىلعى ءساۋىر ايىندا لوندوندا G-20 مەملەكەتتەرى باسشىلارىنىڭ قاتىسۋىمەن وتەتىن سامميتتە ۇسىنىلۋى ىقتيمال جاپپاي داعدارىس جاعدايىنداعى ەكونوميكانىڭ دامۋى جونىندە ۇسىنىستار دا­يىنداۋ بولدى. فورۋمعا بارلىعى 50 ەلدەن 250-دەن اسا قاتىسۋشى, شەت ەلدەردىڭ ءبىزدىڭ ەلىمىزدەگى ەلشىلىكتەرىنىڭ 74 وكىلى جانە حالىقارالىق ۇيىمداردىڭ 69 مۇشەسى قاتىستى.

ءۇشىنشى ەكونوميكالىق فورۋم 2010 جىلعى 1-2 شىلدە كۇندەرى قانات جايدى. وسى ەكى كۇننىڭ ىشىندە 17 وتىرىس پەن پانەلدىك سەسسيالار وتكىزىلدى. ولاردىڭ جۇمىس ناتيجەلەرى بويىنشا بىرنەشە مەموراندۋم مەن كەلىسىمگە قول قويىلدى. فورۋم شەڭبەرىندە ەۋروپا ينۆەستيتسيالىق بانكىمەن قازاقستان تەرريتورياسىنداعى ينۆەستيتسيالىق جوبالاردى 1,5 ملرد ەۋروعا قارجىلاندىرۋ جونىندەگى كەلىسىمگە قول جەتتى.

ءتورتىنشى ەكونوميكالىق فورۋم 2011 جىلدىڭ 3-4 مامىر كۇندەرى «جاڭا ونجىلدىق: شاقىرۋلار مەن پەرسپەكتيۆالار» دەگەن تاقىرىپپەن ورىستەدى. ونىڭ سوڭىندا «ۇلكەن جيىرمالىق» ءسامميتى ءۇشىن ءداستۇرلى ۇسىنىستار جاسالدى.

بەسىنشى ەكونوميكالىق فورۋم 2012 جىلى 22-24 مامىر ارالىعىندا ءۇش كۇنگە سوزىلدى. ونىڭ باعدارلاماسى قارجى كاپيتالى جانە الەم ەكونوميكاسى, يندۋستريالدى-يننوۆاتسيا­لى دامۋ, تۇراقتى دامۋ جانە جاھاندىق الەۋمەتتىك احۋال دەگەن ءۇش باعىت بويىنشا ءتۇزىلدى.

التىنشى فورۋم 2013 جىلى 23-24 مامىردا ءماسليحات قۇردى. ول بۇۇ باس اسسامبلەياسىنىڭ قول­داۋىمەن وتكەن I دۇنيە­جۇ­زى­لىك داعدارىسقا قارسى كونفەرەنتسيامەن بىرگە كەرۋەن ءتۇزدى. ونىڭ اشىلۋ سالتاناتىندا سويلەگەن سوزىندە نۇرسۇلتان ­نازارباەۆ استانا ەكونوميكالىق فورۋ­مى­نىڭ بەس جىلدان بەرى ەرەكشە سۇحباتتاستىق الاڭىنا اينالعانىن ايتتى.

جەتىنشى فورۋم 2014 جىلى 21-23 مامىر كۇندەرى كەرەگە كەردى. ول II داعدارىسقا قارسى دۇنيەجۇزىلىك كونفەرەنتسيامەن بىرگە جۇمىسىن باستادى. القالى جيىن «G-Global فورماتىندا جاڭعىرۋ زامانىنداعى قاۋىپ-قاتەرلەردى باسقارۋ» تاقىرىبىن العا تارتتى. فورۋمعا 15 مىڭنان استام ادام تىركەلدى.

سەگىزىنشى فورۋم 2015 جىلعى 21-22 مامىر كۇندەرى ءوتتى. وعان دۇنيە ءجۇزىنىڭ 90 ەلىنەن 3 مىڭنان استام دەلەگات قاتى­سىپ, الەمدەگى الىس-بەرىس وقيعالا­رىنىڭ قازىرگى تاڭداعى احۋالى جونىندە وي ءبولىستى.

توعىزىنشى فورۋم 25-26 مامىر كۇندەرى «جاڭا ەكو­نو­مي­كالىق شىنايىلىق: ءارتا­راپ­تاندىرۋ, يننوۆاتسيالار جانە ءبىلىم ەكونوميكاسى» دەگەن تاقىرىپ توڭىرەگىندە وي تارقاتتى. جوعارى دەڭگەيدەگى الاڭنىڭ باستى ماقساتتارىنىڭ ءبىرى ءارتۇرلى ۇلتتىق ەكونوميكا­لارعا وسى جاڭا ۇلگىنى, سونىڭ ىشىندە قازاقستاندىق ۇلگىنى ەنگىزۋ جولدارىن ىزدەۋ بولدى.

رۋسلان يگىلىك

تاعىدا

ۇقساس جاڭالىقتار

پىكىر ۇستەۋ

Back to top button