استانا قالاسىنىڭ ىشكى مەملەكەتتىك اۋديت دەپارتامەنتى استانا بىرلەسكەن مۋزەيلەر ديرەكتسياسىنىڭ مەملەكەتتىك ساتىپ الۋدىڭ كونكۋرستىق راسىمدەرىن ەلەمەي, جالعان شارت جاساسقانىن انىقتادى دەپ حابارلادى Elorda.info.
استانا قالاسىنىڭ ىشكى مەملەكەتتىك اۋديت دەپارتامەنتى اۋديتورلىق شارا كەزىندە «استانا بىرلەسكەن مۋزەيلەر ديرەكتسياسى» مەملەكەتتىك كوممۋنالدىق قازىناشىلىق كاسىپورنىندا مەملەكەتتىك ساتىپ الۋ كونكۋرسىن وتكىزگەن كەزدە 9,5 ملن تەڭگەگە ماكەتتەردى ازىرلەۋ جانە رەستاۆراتسيالاۋ جونىندە جالعان كەلىسىمشارت جاسالعانىن انىقتادى.
جالعان تاپسىرىس ورىنداۋشىنىڭ مالىمەتى بويىنشا ءوزى مۇنداي كەلىسىمشارتتىڭ بەكىتىلگەنىنەن حابارسىز دا بولعان جانە كاسىپكەرلىك قىزمەت كورسەتۋمەن اينالىسپاعان. ال بانك كارتاسىن تانىسىنا ۋاقىتشا بەرگەن. ونىڭ شوتىنا 10 ملن تەڭگەگە جۋىق قاراجات اۋدارىلعانىن كەيىن عانا بىلگەن دەپ جازىلعان مەملەكەتتىك ىشكى اۋديت كوميتەتىنىڭ رەسمي سايتىندا.
اۋديت جاساۋشىلار وسىعان ۇقساس بىرنەشە كەلىسىمشارتتى تەكسەرىپ جاتىر.
سىرتتاي قاراعان كەزدە كاسىپورىندا ماكەتتەر بار ەكەنى بەلگىلى بولدى. بىراق ونى كىم وسىنشا ساپاسىز ەتىپ, ارزان ماتەريالدان ازىرلەگەنى بەلگىسىز. الايدا ماكەتتەردى كىم ازىرلەگەنى بەلگىسىز بولعانمەن, تسەح جۇمىسشىلارى ولاردى رەستاۆراتسيالاعانىن جازباشا نەگىزدە راستاپ وتىر.
بىرلەسكەن مۋزەيلەر ديرەكتسياسىنىڭ كاسىپكەرلىك قىزمەت كورسەتپەيتىن جەكە تۇلعالارمەن ماكەتتەر ازىرلەپ, رەستاۆراتسيالاۋ تۋرالى وزگە دە كەلىسىمشارتتارى بار. بۇل كەلىسىمشارتتار بويىنشا اۋديتورلىق ايعاقتاردى جيناۋ ءالى باستالعان جوق. كەلىسىمشارت بويىنشا مەملەكەتتىك تاپسىرىستى ورىنداۋشىلاردىڭ وزگە وبلىستاردىڭ شالعاي ەلدى مەكەندەرىندە تۇرىپ جاتقانى ماسەلە تۋىنداتىپ وتىر. ءتىپتى ولاردىڭ كەيبىرى ايتارلىقتاي ەگدە جاستا.
«بيۋدجەت كودەكسىنىڭ تالاپتارى بويىنشا كۆازيمەملەكەتتىك سەكتورى نىسانى اقىلى تاپسىرىستىڭ زاڭعا سايكەستىگى مەن نەگىزدىلىگىنە, جۇرگىزىلگەن وپەراتسيانىڭ شىندىققا سايكەستىگىنە جاۋاپ بەرەدى. ماتەريالدار قارجى مونيتورينگى اگەنتتىگى استانا قالاسىنىڭ ەكونوميكالىق تەرگەۋ دەپارتامەنتىنە پروتسەسسۋالدىق شەشىم شىعارۋ ءۇشىن جولداندى» دەلىنگەن ۆەدومستۆونىڭ مالىمەتىندە.
