قالا تىرشىلىگى

جامبىلدىڭ جۋاسى, كەرەكۋدIڭ كارتوبى

ERA_8374

وتكەن سەنبى, جەكسەنبى كۇندەرى قالالىق اكىمدىك الدىنداعى الاڭدا ءداستۇرلى اۋىل شارۋاشىلىق جارمەڭكەسى وتكىزىلىپ, وندا جامبىل جانە پاۆلودار وبلىسىنىڭ تاۋار وندىرۋشىلەرى ءوز ونىمدەرىن ۇسىندى.

قوس وبلىس فەرمەرلەرى جارمەڭ­كەگە جالپى كولەمى 950 تونناعا جۋىق ءونىم اكەلدى, ياعني ەلورداعا سولتۇستىك وڭىردەن 750 توننا, وڭتۇستىك اي­ماقتان نەبارى 190 توننا ءونىم جەتكىزىلگەن ەكەن.

ەكى كۇن بويى قالالىق اكىمدىكتىڭ الدىندا ساۋدا شاتىرلارى قۇرى­لىپ, تاۋار وندىرۋشىلەر قالا تۇر­عىندارى مەن قوناقتارىن ارزان باعامەن ساتىلعان ازىق-تۇلىككە كەنەلتتى. سونداي-اق, سول جەردە ىستىق تاماق ازىرلەنىپ, «قازاق تاعامدارى» ۇلتتىق اسحاناسىنىڭ ونىمدەرى ساتىلدى.
ىلە-شالا وڭىرلىك حالىق شىعارما­شىلىعى ۇجىمدارى ونەر كور­سە­تىپ, ءار ءتۇرلى سپورتتىق سايىس­تار وتكىزىلدى. اۋا رايىنىڭ كۇرت سۋىتقانىنا قارا­ماستان ساپالى ازىق-تۇلىك ىزدەپ كەلۋ­شىلەر جەمىس-جيدەك پەن كوكونىس, ەت پەن ءسۇت, بالىق جانە كونديتەرلىك ءونىم­دەردى مولىنان ساتىپ الىپ جاتتى.

جارمەڭكەگە استانا قالاسىنىڭ اكىمى يمانعالي تاسماعامبەتوۆ تە بارىپ, الىستان ات ارىتىپ جەتكىزىلگەن تاۋارلارمەن تانىس­تى. ول وتاندىق ءونىمنىڭ ساپاسىنا كوڭىلى تولاتىنىن جەتكىزىپ, جارمەڭكەنىڭ حالىق ءۇشىن قولايلى مۇمكىندىك ەكەنىن ايتتى.

«ءار سەنبى سايىن قالالىق الاڭ شاعىن بازارعا ەمەس, ەڭ اۋەلى بەلگىلى ءبىر وبلىستاردىڭ اۋىل شارۋاشىلىق ونىمدەرىنىڭ كورمەسىنە اينالادى. بۇل – تاۋاردى وتكىزۋ مۇمكىندىگى. وزدەرىڭىز دە ارالاپ كورسەڭىزدەر, مۇندا ەۋروپالىق ساپاعا ساي ءونىم­دەر شىعاراتىن وبلىستىڭ اۋىل شارۋاشىلىق كومپانيالارى مەن كاسىپورىندارى كوپ ەكەنىنە كوز جەت­كىزەسىزدەر» دەدى قالا باسشىسى.

جارمەڭكەگە پاۆلودار وبلى­سىنىڭ ون اۋدانى, ياعني اقتوعاي, باياناۋىل, جەلەزين, ەرتىس, قاشىر, لەبياجى, ماي, پاۆلودار, ۋسپەن, شارباقتى اۋداندارى مەن پاۆلودار, ەكىباستۇز, اقسۋ قالالارىنىڭ كاسىپكەرلەرى قاتىستى. ولار استاناعا 52 توننا ەت جانە ەت ونىمدەرى, 25 توننا ءسۇت ونىمدەرى, 90 مىڭ دانا جۇمىرتقا, 300 توننا كارتوپ, 190 توننا كوكونىس, 20 توننا ۇن, 27 توننا سۇلى مەن ماكارون ونىمدەرى, 18 توننا وسىمدىك مايى,
3 توننا بال جانە 103 توننا باسقا دا ازىق-تۇلىك جەتكىزدى. جۇرتشىلىق تۇتىنعان تاۋارلاردىڭ دەنى «رۋبيكوم» جشس, «كەممي» جشس, «ءسۇت» اق, «اقوبا» جشس, «التاي» شق, «اقجار – ءوندىرىس» جشس, «رەگتايم» شق, «كرەندەل» جشس سياقتى اتى ءمالىم قايتا وڭدەۋشى كاسىپورىنداردان شىعارىلعان.

ERA_8167

سونىمەن قاتار, جامبىل وبلىسىنان اكەلىنگەن 190 توننا ءونىمنىڭ ىشىندە 35 توننا ەت جانە ەت ونىمدەرى, 12 توننا ءسۇت ونىمدەرى, 6 مىڭ جۇ­مىرتقا, 31 توننا كارتوپ, 51 توننا باقشا ونىمدەرى, 4,5 توننا نان-توقاش جانە كونديتەرلىك ونىمدەر, 2 توننا بال جانە 55 توننا باسقا دا ازىق-تۇلىك تۇرلەرى بولدى.

بارلىق تاۋار استانا قالاسىنىڭ بازارلارىنا قاراعاندا 15-20 پايىز ارزان ساتىلدى. ەندى الداعى دەمالىس كۇندەرى, 4 جانە 5 قىركۇيەكتە ەلورداعا اقتوبە جانە قاراعاندى وبلىستارىنىڭ تاۋار وندىرۋشىلەرى كەلمەكشى.

 نۇريسلام قۇسپانعالي

تاعىدا

admin

«استانا اقشامى» گازەتى

ۇقساس جاڭالىقتار

پىكىر ۇستەۋ

Back to top button