جاڭالىقتارقالا تىرشىلىگى
جاڭا پوچتا بولىمشەسى اشىلدى
استاناداعى «ديار» ساۋدا ورتالىعىندا جاڭا №21 پوچتالىق بايلانىس بولىمشەسى اشىلدى.
جاڭا وندىرىستىك نىسان – №21 پوچتالىق بايلانىس بولىمشەسى «قازپوچتا» اق فيرمالىق ستيلىندەگى ەرگونوميكاسى مەن ديزاينىنا سايكەس بەزەندىرىلگەن.
پوچتا بايلانىسىنىڭ جاڭا بولىمشەسىندە كليەنتتەر پوچتا قىزمەتىنىڭ تولىق ءتىزىمىن قولدانا الادى: حات, سالەمدەمە نەمەسە باندەرول جىبەرۋ, مەرزىمدى ءباسپاسوز باسىلىمدارىنا قولحات راسىمدەۋ, سونىمەن قاتار كوممۋنالدىق تولەمدەر, سالىق تولەمدەرىن جۇرگىزۋ, اقشالاي اۋدارىمدار, زەينەتاقى جانە جاردەماقى الۋ, بانك جانە دەپوزيت شوتتارىن اشۋ, تولەمدەر قابىلداۋ.
«قازپوچتا» اق باسقارما توراعاسى اسحات بەيسەنباەۆتىڭ ايتۋىنشا, استاناداعى باسقا بولىمشەلەر سياقتى №21 بولىمشەدە دە كليەنتتەرگە كەڭ تىزبەدە ساپالىق قىزمەت كورسەتۋ ءۇشىن بارلىق كەرەكتى جاعدايدىڭ ءبارى جاسالعان.