قوعام

جاڭا ۇلگىنىڭ جەتىستىگى

استانا قالاسى بويىنشا مەملەكەتتىك قىزمەت ىستەرى دەپارتامەنتى كاسىبي مەملەكەتتىك اپپارات ءۇشىن بىلىكتى مامانداردى ىرىكتەۋ ماسەلەسىنە قاتىستى ارنايى جيىن وتكىزدى.

trudovoi-kodeks

جيىندا دەپارتامەنت باسشىلىعى ەلباسى بەكىتكەن «100 ناقتى قادام» ۇلت جوسپارىنىڭ ماڭىزدىلىعىنا توقتالدى.
– بۇل ماڭىزدى قۇجاتتا كاسىبي مەملەكەتتىك اپپارات قۇرۋعا باسا نازار اۋدارىلعانى بەلگىلى. وسى ماقساتتى جۇزەگە اسىرۋ ءۇشىن بيىلعى جىلدىڭ باسىندا «مەملەكەتتىك قىزمەت تۋرالى» جاڭا زاڭعا قول قويىلدى. قازىرگى قولدانىستاعى زاڭعا سايكەس, مەملە­كەتتىك قىزمەتكەرلەرگە قويىلار تالاپ بۇرىنعىسىنان كوپ كۇشەيدى. تەستىلەۋ باعدارلاماسى دا ءبىرشاما وزگەردى. بيىلعى جىلدىڭ 1 شىلدەسىنە دەيىن تەستىلەۋگە 3218 ادام قاتىسسا, سونىڭ ىشىندە مەجەلى مولشەردەن اساتىن ناتيجە جيناعاندارى 1809 ادامدى قۇرادى. ياعني, تەستكە قاتىسۋشىلاردىڭ تەك 56,2 پايىزى عانا ءتيىستى ناتيجەگە قول جەتكىزە الدى. دەگەنمەن, تەست ارقىلى ءبىلىم-بىلىگىن سىناپ, مەجەلى مولشەردەن اسا العاندار سانى 2015 جىلمەن سالىستىرعاندا 1,3 ەسە وسكەن,  – دەپ اتاپ كەتتى دەپارتامەنت باسشىسىنىڭ مىندەتىن اتقارۋشى ر.تۇڭعىشباەۆ.
ونىڭ ايتۋىنشا, بيىلعى جىلدىڭ باسىنان وسى كەزگە دەيىن استانا قالاسىنداعى مەملەكەتتىك ورگاندارداعى تىركەلگەن شتات سانى 3697 ادامعا جەتكەن. سونىڭ ىشىندە ساياسي مەملەكەتتىك لاۋازىمدا – 6, «ا» كورپۋسىنداعى اكىمشىلىك مەملەكەتتىك لاۋازىمدا – 9, «ب» كورپۋسىندا 3682 ادام ەسەپكە الىنعان. ءىس جۇزىندەگى جالپى اكىمشىلىك مەملەكەتتىك قىزمەتكەرلەر سانى – 3302.
ەسەپتى مەرزىم ىشىندە ەلورداداعى مەملەكەتتىك ورگانداردا 965 اكىمشىلىك مەملەكەتتىك لاۋازىمدارعا 237 كونكۋرس وتكىزىلگەن. بۇل كونكۋرستارعا 1157 ۇمىتكەر قاتىسىپ, ءوز باقتارىن سىناعان. سولاردىڭ ىشىنەن 499-ى (51,7 پايىزى) جەڭىمپاز تانىلىپ, لاۋازىمدى ورىندى يەلەنۋ قۇقىعىنا يە بولعان ەكەن.
جىل باسىنان بەرى جەرگىلىكتى اتقارۋ ورگاندارىندا مەملەكەتتىك قىزمەتكەرلەردىڭ بىلىكتىلىگىن كوتەرۋگە 176 ادام جاتقىزىلعان, سونىڭ 78-ءى ارنايى وقۋدان ءوتىپ كەلىپ, جۇمىس تيىمدىلىگىن كورسەتە باستاعان كورىنەدى. ال 109 مەملەكەتتىك قىزمەتكەر قايتا دايارلاۋدان ءوتۋى ءتيىس بولسا, سونىڭ 59-ى قايتا دايارلاۋ كۋرستارىن تابىستى اياقتاپ شىققان.
– مەملەكەتتىك قىزمەتتىڭ جاڭا ۇلگىسى ەنگىزىلۋى ءوز كەزەگىندە مەملەكەتتىك جۇيەگە كاسىبي ءبىلىم-بىلىگى جوعارى, ءوز مىندەتىن ساپالى اتقارا الاتىن ماماندار تارتۋعا, وسىنداي كادرلار قۇرامىن قالىپتاستىرۋعا سەپتەسەدى. جاڭا ۇلگىنىڭ شارتى بويىنشا مەملەكەتتىك قىزمەتكە ءۇش ىرىكتەۋ كەزەڭى ارقىلى الىنادى. ەڭ سوڭىندا كونكۋرستىق كوميسسيانىڭ شەشىمىمەن ىرىكتەۋ جۇرگىزىلەدى. كونكۋرستاردىڭ 1 جانە 2 كەزەڭى ەڭ ءبىرىنشى سول مەملەكەتتىك ورگاننىڭ ءوز ىشىندە جۇرگىزىلەدى. ال جالپى كونكۋرس ازاماتتارىمىزعا مەملەكەتتىك قىزمەتكە ورنالاسۋعا جول اشادى. بۇل جۇيەنىڭ ايقىندىلىعىن جانە اشىقتىعىن قامتاماسىز ەتەدى. وسى رەفورمانىڭ نەگىزگى ماقساتى – مەملەكەتتىك قىزمەتكەرلەردىڭ بىلىكتىلىگى مەن كاسىبي دەڭگەيىن كوتەرۋ, لايىقتى ەڭبەكاقى جۇيەسىن قالىپتاستىرىپ, قىزمەتكەرلەردىڭ مانساپ بويىنشا جوعارىلاۋىنا جول اشۋ, جەمقورلىق قۇقىق بۇزۋشىلىقتاردىڭ تومەندەۋىن قامتاماسىز ەتىپ, تۇرعىنداردىڭ مەملەكەتتىك ورگانداردىڭ وكىلدەرىنە دەگەن سەنىمىن ارتتىرۋدى كوزدەيدى. بۇل ءوز كەزەگىندە مەملەكەتتىڭ ساياسي جانە ەكونوميكالىق كورسەتكىشى جاقسارا تۇسۋىنە ايتارلىقتاي ىقپالىن تيگىزەدى. قىزمەتكەرلەرگە لايىقتى ەڭبەكاقى دەڭگەيىن تاعايىنداپ, ولارعا بونۋس تۇرىندەگى كوتەرمەلەۋلەر كورسەتۋ قىزمەتكەرلەردى ناتيجەلى جۇمىس جاساۋعا ىنتالاندىرادى, جالپى ورگان ىشىندە جۇمىسقا دەگەن ىنتا-ىقىلاستى ارتتىرادى. بونۋستار تەك قانا تيىمدىلىگى جوعارى مەملەكەتتىك قىز­مەتكەرلەرگە تاعايىندالادى, – دەپ ءتۇسىن­دىردى ر.تۇڭعىشباەۆ.
جيىن سوڭىندا اتالمىش دەپارتامەنت قىزمەتكەرلەرى قاتىسۋشىلاردىڭ ءتۇرلى سۇراقتارىنا جاۋاپ بەرىپ, جاڭا ۇلگىگە قاتىستى ءوزارا پىكىر الماستى.

مەڭدوللا شامۇراتوۆ

تاعىدا

admin

«استانا اقشامى» گازەتى

ۇقساس جاڭالىقتار

پىكىر ۇستەۋ

Back to top button