ەلىمىزدە ىسكە اسىرىلىپ جاتقان ۇدەمەلى يندۋستريالدى–يننوۆاتسيالىق دامۋ باعدارلاماسىنا جاڭاشىلدىقتاردى ەنگىزۋدىڭ جايى قالاي؟ ولار ءوز دارەجەسىندە قولداۋ تاۋىپ وتىر ما؟ ورتالىق كوممۋنيكاتسيالار قىزمەتىنىڭ كەشەگى بريفينگى وسى ماسەلەگە ارنالدى.
«بايتەرەك» حولدينگىنىڭ باسقارۋشى ديرەكتورى قانىش تولەۋشيننىڭ سوزىنە سەنسەك, اتالمىش باعدارلامانىڭ العاشقى بەسجىلدىعىنىڭ قورىتىندىلارى جامان ەمەس. تابىستى رەفورمالاردى جۇرگىزۋدىڭ جانە باعدارلامانى قارجىلاندىرۋدىڭ جاڭا كوزدەرىنىڭ تابىلۋىنىڭ ارقاسىندا ەلدىڭ عىلىمي-يننوۆاتسيالىق دامۋ كورسەتكىشتەرى تۇبەگەيلى جاقسارعان. ماسەلەن, 2009 جىلمەن سالىستىرعاندا يننوۆاتسيالىق بەلسەندى كاسىپورىنداردىڭ كولەمى سوڭعى كەزەڭدە 2 ەسە ءوسىپ, 8 پايىزدى قۇراعان. ال, يننوۆاتسيالىق ءونىم كولەمى بولسا 7 ەسەگە ارتىپ, 578,3 ملرد تەڭگەگە جەتكەن.
تەحنولوگيالىق دامۋ جونىندەگى ۇلتتىق اگەنتتىكتىڭ باسقارما توراعاسىنىڭ مىندەتىن اتقارۋشى سانجار ىزتىلەۋوۆ ونىڭ ءسوزىن قوستاپ, ەلىمىز INSEAD يندەكسى بويىنشا 5-ساتىعا كوتەرىلىپ, 79-ورىنعا شىققانىن ايتتى. سونداي-اق, باعدارلامانى جۇزەگە اسىرۋ بارىسىندا قازاقستان الەمدىك ەكونوميكالىق فورۋمنىڭ جاھاندىق باسەكەگە قابىلەتتىلىك رەيتينگىندە «يننوۆاتسيا» فاكتورى بويىنشا 31-ساتىعا كوتەرىلگەنىن جەتكىزدى.
