جاڭالىقتار

جاڭاشىلدىققا جول اشاتىن كەلىسىم

استانا قالاسىندا وتاندىق وندىرىسكە جاڭا يننوۆاتسيالىق تەحنولوگيالاردى ەنگىزىپ, بار ادىستەردى جەتىلدىرۋ ماقساتىندا عىلىمي-زەرتتەۋ رەسۋرس­تارىن دامىتۋ جونىندە ءوزارا كەلىسىم جاسالدى. 

بۇل مەموراندۋمعا «Nazarbayev University Research and Innovation Sistem» («NURIS») تەحنوپاركىنىڭ باس ديرەكتورى قانات بايعارين مەن «استانا Innovations» اق باسقارما توراعاسى ءالتايىر ۋىزباەۆ قول قويدى.
«NURIS» تەحنوپاركىنىڭ باس ديرەكتورى: «مەموراندۋم بىزگە ءارتۇرلى باعىتتا ىنتىماقتاستىق جاساۋعا مۇمكىندىك بەرەدى. سونداي باعىتتاردىڭ ءبىرى – «Smart Astana» جوباسىن جۇزەگە اسىرىپ, نازارباەۆ ۋنيۆەرسيتەتىنىڭ عىلىمي پاركىندە ءتيىستى ورتالىقتار قۇرۋ. سوندىقتان, ءبىزدىڭ «استانا Innovations» اق-ىمەن جاساعان ءوزارا كەلىسىمىمىز جە­مىستى جۇمىس ىستەپ, قالاعا پايداسىن تيگىزەتىنىنە سەنەمىن» دەدى.
ەكى جاق بىرلەسە وتىرىپ ءبىلىم بەرۋ, عىلىم, يننوۆاتسيا مەن ءوندىرىس اراسىندا ءبىرتۇتاس بايلانىس جۇيەسىن قۇرۋعا ۇمتىلادى. «NURIS» پەن «استانا Innovations» اق ىنتىماقتاستىعىنىڭ ارقاسىندا
نازارباەۆ ۋنيۆەرسيتەتى ستۋدەنت­تەرىنىڭ وزىق تەحنولوگيالاردى مەڭگەرۋ مۇمكىندىكتەرى ارتادى.
«استانا Innovations» اق باسقارما توراعاسى ءا.ۋىزباەۆ «NURIS» باسشىلىعى مەن قالا قۇرىلىمدارى اراسىنداعى تىعىز قارىم-قاتىناس ارقاسىندا جاستاردى ناقتى جوبالارعا تارتامىز» دەدى.
سول ارقىلى ولار تاجىريبە الىپ, ەلوردادا يننوۆاتسيالىق كلاستەردى قالىپتاستىرۋعا ۇلەس قوسپاق.

تۇرماعانبەت كەنجەباەۆ

تاعىدا

ۇقساس جاڭالىقتار

پىكىر ۇستەۋ

Back to top button