ءا. جاقسىبەكوۆ, استانا قالاسىنىڭ اكىمى: جوسپارلى اجىراتۋلار توتەنشە جاگدايعا پارا-پار
كەشە استانا قالاسى اكىمىنىڭ توراعالىعىمەن كەزەكتى اپپاراتتىق كەڭەس بولىپ ءوتتى. قالا باسشىسى اۋدان اكىمدەرى مەن ءوز ورىنباسارلارىنىڭ نازارىن بيۋدجەتتىك قارجىنى يگەرۋگە اۋداردى.
الداعى بيۋدجەتتى ساپالى جوسپارلاۋعا بارلىق باسشىلار بىردەي جاۋاپتى ەكەندىگىن اتاپ ءوتتى. اكىم مەملەكەت باسشىسىنىڭ قازاقستان حالقىنا جولداۋىندا ايتىلعانداي بيۋدجەت قارجىسىن, ەڭ الدىمەن, حالىقتىڭ تۇرمىسى مەن ەلوردانىڭ ينفراقۇرىلىمىن جاقسارتۋعا جۇمساپ, وسى سالاداعى جۇمىستاردى جوعارى دەڭگەيدە اتقارۋدى مىندەتتەدى.
كەڭەستە ەلوردانى دامىتۋ ماسەلەلەرى ءسوز بولدى. قالانىڭ قارقىندى دامۋى مەن كەڭەيۋىن نازارعا الا وتىرىپ, استانانىڭ مارتەبەسىن ءبىر رەتكە كەلتىرەتىن زاڭعا وزگەرىستەر مەن تولىقتىرۋلار ەنگىزۋ كەرەكتىگى ءسوز بولدى.
سونىمەن قاتار, ءا.جاقسىبەكوۆ قۇرىلىس باسقارماسى ءبىلىم نىساندارىن پايدالانۋعا تاپسىرۋ مەرزىمىن ءجيى بۇزاتىنىن اتاپ ءوتتى. وتكەن جىلى 3 جاڭا مەكتەپتى پايدالانۋعا بەرۋ جوسپارلانعان بولاتىن, سونىڭ ىشىندە بۇگىنگە دەيىن سونىڭ تەك بىرەۋى عانا (№71 مەكتەپ) اشىلدى. قالا باسشىسىنىڭ ايتۋىنشا, بۇل ولقىلىق مەملەكەتتىك ورگاندار تاراپتارىنان جۇيەلى ءتاسىلدىڭ, مونيتورينگتىڭ, ءوزارا ارەكەتتىڭ جانە باقىلاۋدىڭ بولماۋ سالدارىنان ورىن الىپ وتىر.
– بۇگىندە بىرەۋ قۇرىلىس جۇرگىزسە, باسقالارى ينجەنەرلىك جەلىلەر تارتۋى كەرەك. بىراق, ول ۋاقىتىلى جاسالماي جاتىر. سالىنىپ جاتقان نىسانداردىڭ ماڭايىنا كولىكپەن دە, جاياۋ دا جولاي المايسىڭ, – دەدى قالا باسشىسى.
استانا اكىمى قالا تۇرعىندارىنىڭ ءوتىنىش-تىلەكتەرىنە تاعى دا تولىعىراق توقتالىپ ءوتتى. ونىڭ اتاپ وتۋىنشە, كەلىپ تۇسكەن ءاربىر ارىز-شاعىمعا ورىنداۋشىلار بەي-جاي قاراماي, ءبىرىنشى كەزەكتە نازار اۋدارۋى ءتيىس.
– ەلوردا تۇرعىندارىنىڭ ماسەلەلەرىن قاعاز جۇزىندەگى شىعارماشىلىققا اينالدىرۋدىڭ قاجەتى جوق. ءبىزدىڭ باستى ماقساتىمىز – قالا تۇرعىندارىنىڭ ءاربىر ماسەلەسىن ناقتى شەشۋ, تەك وسىلاي عانا حالىقتىڭ سەنىمىنە كىرىپ, جاقسى باسشى بولا الامىز, – دەدى ول.
قولدا بار اقپاراتتارعا سۇيەنسەك, ەلوردادا جول-كولىك وقيعالارى مەن تەحنيكالىق اقاۋلاردىڭ ورىن الۋى ءجيى بايقالادى. بيىل قازان ايىندا وتكەن جىلدىڭ سايكەس كەزەڭىمەن سالىستىرعاندا جول-كولىك وقيعالارى 83-كە وسكەن.
«سەنبى كۇنى, 22 قاراشادا №43 باعىتتاعى اۆتوبۋس پەن «كاماز» ماركالى كولىك سوقتىعىسقان. وقيعا سالدارىنان 22 ادام مەديتسينالىق كومەككە جۇگىنسە, 7 جان اۋىر جاراقاتپەن اۋرۋحاناعا جاتقىزىلدى. ال, اينالدىرعان ءبىر اپتادا قوعامدىق كولىكتىڭ قاتىسۋىمەن ەكى اپاتتىڭ بولۋى – دابىل قاعارلىق جاعداي.
قالا پروكۋرورىنا, ءىىد باستىعىنا ءىستىڭ ءمان-جايىن انىقتاپ, بۇدان بىلاي مۇنداي جايتتەرگە جول بەرمەۋ ءۇشىن ناقتى شارالار قابىلداۋدى تاپسىرامىن» دەدى ءا.جاقسىبەكوۆ. سونداي-اق, ەلوردا اكىمى قالاداعى قىلمىستىق احۋالعا الاڭداۋشىلىق ءبىلدىردى.
– نازارلارىڭىزدى الماتى قالاسىندا بولعان (گراناتانىڭ جارىلۋى – رەد.) جانە ۇلكەن الاڭداۋشىلىق تۋدىراتىن جايتقا اۋدارماقپىن, – دەدى ول.
وسىعان بايلانىستى شاھار باسشىسى قۇقىق قورعاۋ ورگاندارىن تارتا وتىرىپ, وقۋشىلاردى پسيحولوگيالىق تەكسەرۋ, مەكتەپتەردە جانە باسقا دا ءبىلىم بەرۋ مەكەمەلەرىندە رەۆيزيا مەن الدىن الۋ جۇمىستارىن جۇرگىزۋدى تاپسىردى.
وتكەن اپتادا ەلوردا اكىمى قار قۇرساۋلارىن تازارتۋ ءۇشىن قوسىمشا جۇمىس كۇشى مەن تەحنيكانى تارتا وتىرىپ, كۇن رايىنىڭ قۇبىلۋىنا دايىن بولۋدى تاپسىرعان بولاتىن.
– قار تازالاۋ ءتاسىلى ءباز باياعى قالپىندا. تەحنيكا بۇرىن بەلگىلەنگەن, ۇيرەنشىكتى, تاپتاۋرىن باعىتپەن جۇرەدى. تاڭەرتەڭ كەيبىر كوشەلەرمەن ءجۇرۋ مۇمكىن ەمەس. جالپى, قار تازالاۋ بويىنشا مەردىگەرلىك ۇيىمداردىڭ جۇمىسى قاناعاتتانارلىقسىز, – دەدى استانا اكىمى.
وتكەن اپتادا قالا تۇرعىندارىنىڭ ءوتىنىش-تىلەكتەرىنىڭ باسىم بولىگى قوعامدىق كولىك جۇمىسىنداعى اقاۋلارعا قاتىستى بولدى. اۆتوبۋستاردىڭ ءجۇرۋ جيىلىگىنىڭ ۇزاقتىعى, سالوننىڭ لىقا تولاتىنى ايتىلعان. سول سەبەپتى, قالا باسشىسى جولاۋشىلار باعىتتارعا جاڭا 36 اۆتوبۋس شىعارۋدى تاپسىردى.
ەلوردا اكىمى جىلۋمەن, قۋاتپەن قامتاماسىز ەتۋشى كومپانيالاردىڭ باسشىلارىنا ەلەكتر ەنەرگياسى مەن سۋ بەرۋدى جوسپارلى اجىراتۋلارعا قاتىستى قاتاڭ ەسكەرتۋ جاسادى. ءا.جاقسىبەكوۆ بۇل ءتاسىل توتەنشە جاعدايمەن بارا-بار دەي كەلىپ, مۇنداي جاعدايلاردى بولدىرماۋدى, قىسقا دايىندىق جۇمىستارىن كوكتەم-جاز ماۋسىمىندا جۇرگىزۋدى تاپسىردى.
كەڭەس قورىتىندىسى بويىنشا بارلىق ءتيىستى قۇرىلىم باسشىلارىنا تاپسىرما بەرىلىپ, اكىمدىكتىڭ باقىلۋىنا الىندى.
