ل. گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ «كاۋسار» مادەني-تانىمدىق بىرلەستىگىنىڭ كەزەكتى قوناعى جازۋشى, قازاقستاننىڭ مادەنيەت قايراتكەرى تابىل قۇلياس بولدى.
بىرلەستىك جەتەكشىسى, بەلگىلى ونەر قايراتكەرى كەنجەعالي مىرجىقباي جازۋشىنىڭ ءومىر جولىمەن تانىستىردى. قۋعىن-سۇرگىن, اشتىق جىلدارىن زەرتتەپ جۇرگەن ت. قۇلياس زوبالاڭ جايلى «قانجوسا عاسىر», «قىرعىن», «قان كەشۋ», «ميعا قويىلعان بومبا» سىندى كىتاپتاردىڭ اۆتورى. وسى شىعارمالاردى ول رەسەي مۇراعات-مۇراجايلارىن اقتارا ءجۇرىپ, ناقتى دەرەكتەرگە سۇيەنىپ جازعان. جازۋشى قاسىرەتتى جىلدار جانە ءوزىنىڭ ىزدەنىستەرى جايلى ستۋدەنتتەرگە تارتىمدى ەتىپ اڭگىمەلەپ بەردى. ستۋدەنتتەر وزدەرىن قىزىقتىرعان سۇراقتارعا جاۋاپتار الدى.
ءۇش ساعاتقا سوزىلعان كەزدەسۋدى ۋنيۆەرسيتەت پرورەكتورى, فيلوگيا عىلىمىنىڭ دوكتورى ديحان قامزابەكۇلى تۇيىندەپ, قوناقتىڭ يىعىنا شاپان جاۋىپ, قۇرمەت كورسەتتى.
امانعالي شميتۇلى
