100 قادام - ۇلت جوسپارىجاڭالىقتار

جاريا ەتۋگە – 56 كۇن

بەس ينستيتۋتسيونالدىق رەفورماعا سايكەس قولعا الىنعان «100 ناقتى قادام» ۇلت جوسپارى اياسىندا جۇرگىزىلىپ جاتقان مۇلىكتى زاڭداستىرۋ اكتسياسىنىڭ اياقتالۋىنا نەبارى 56 كۇن قالدى.

mulik

سول سەبەپتى ەلىمىزدىڭ قارجى ورگاندارى ەل ازاماتتارىن وسى ناۋقاندى زاڭدى تۇرعىدا بارىنشا پايدالانىپ قالۋعا شاقىرادى.
استانا قالالىق قارجى باسقارماسىنىڭ باسشىسى رۋسلان دوساەۆتىڭ مالىمەتىنشە, 3 قاراشاعا دەيىن جەرگىلىكتى اتقارۋشى ورگاندارىنا جالپى سوماسى 110,7 ملرد تەڭگەنى قۇرايتىن بارلىعى 8 796 ءوتىنىش كەلىپ تۇسكەن. سونىڭ ىشىندە 68,2 ملرد تەڭگە سوماسىن قۇرايتىن 10 768 تۇرعىن ءۇي نىسانى, 42 ملرد تەڭگە سوماسىنداعى 11 465 تۇرعىن ءۇي ەمەس نىسان, 22,8 ملرد تەڭگەنىڭ 1 109 كوممەرتسيالىق نىسانى بولىپ وتىر. «بۇگىندە ارنايى كوميسسيانىڭ شەشىمىمەن بۇگىندە بۇل وتىنىشتەردىڭ 3 629-ى قاناعاتتاندىرىلىپ, 37,9 ملرد تەڭگەنىڭ 7 994 نىسانى زاڭداستىرىلعان. سونىمەن قاتار, 5 زاڭدى تۇلعانىڭ قاتىسۋ ۇلەسى 457, 9 ملن تەڭگەنى قۇرادى» دەيدى رۋسلان دوساەۆ.
كەلىپ تۇسكەن وتىنىشتەردىڭ سانى جاعىنان الماتى اۋدانى الدا تۇر. مۇلىكتى جاريا ەتۋ ناۋقانى باستالعالى بەرى وسى اۋداندا جالپى سوماسى 59,4 ملرد تەڭگەنى قۇرايتىن 4 079 ءوتىنىش كەلىپ تۇسكەن. ال ەسىل اۋدانىنىڭ اكىمدىگىنە 32,4 ملرد تەڭگەنىڭ 1 500 ءوتىنىشى جولدانسا, سارىارقا اۋداندىق كوميسسياسى دا 18,9 ملرد تەڭگەنىڭ 3 217 ءوتىنىشىن قاراپ ۇلگەرگەن.
سونداي-اق, مۇلىكتى زاڭداستىرۋ ناۋقانى باستاۋ العالى بەرى قارجىنى جاريا ەتۋ بويىنشا 545, 1 ملن تەڭگەگە 590 ارنايى دەكلاراتسيا تاپسىرىلعان. تاعى 9 ملن 300 مىڭ تەڭگەنىڭ قۇندى قاعازدارى جاريا ەتىلدى. قابىلدانعان دەكلاراتسيالار بويىنشا كەلىپ تۇسكەن قارجىلار ەكىنشى دەڭگەيلى بانكتەردە اشىلعان اعىمدىق ەسەپشوتتارعا اۋدارىلىپ, زاڭداستىرىلىپ جاتىر.

بۇركىت نۇراسىل

تاعىدا

ۇقساس جاڭالىقتار

پىكىر ۇستەۋ

Back to top button