استانادا 20 قىركۇيەكتەن باستاپ ايماقتاردىڭ اۋىل شارۋاشىلىق جارمەڭكەلەرى وتكىزىلەدى. بازار باعاسىنان الدەقايدا ارزان ازىق-تۇلىككە استانالىقتاردى ءبىر قارىق قىلىپ تاستايتىن مولشىلىق كەرۋەنىن الماتى وبلىسى باستايدى.
ەستەرىڭىزگە سالا كەتەيىك, بىلتىرعى جارمەڭكەدە جەتىسۋلىقتار 400 توننادان استام ءونىم ۇسىنعان بولاتىن. اتاپ ايتقاندا, 193 توننا كوكونىس, 110 توننا پياز, 50 توننادان اسا الما, 17 تونناعا جۋىق كۇرىش, 7 تونناداي بالىق, 3 توننا بال, سونداي-اق 60 توننادان اسا ەت جانە ت.ب. كوپتەگەن ءونىم تۇرلەرىن اكەلگەن ەدى. ۇيىمداستىرۋشىلاردىڭ ايتۋىنشا, الماتى وبلىسىنان كەلەتىن بيىلعى جارمەڭكەگە جيىن-تەرىن ناۋقانىنىڭ ناعىز قىزعان شاعىنا تاپ كەلگەندىكتەن, جەمىس-جيدەك, كوكونىستى مولىنان الىپ كەلەدى.
بەس جىلدان بەرى داستۇرگە اينالعان جارمەڭكەدە ءىشىپ-جەمنەن بولەك, قولونەر شەبەرلەرىنىڭ قولىنان شىققان اسەم بۇيىمدار ساتىلادى.
ال, وڭىرلەردىڭ ۇزدىك شىعارماشىلىق ۇجىمدارى مەن ونەر شەبەرلەرىنىڭ گالا-كونتسەرتى جارمەڭكەنىڭ كوركىن كەلتىرىپ, دۋمانىن قىزدىرادى.
