جاڭالىقتار

جارمەڭكەلەر دە جاڭاشا

قالالىق اكىمدىكتىڭ كەزەكتى وتىرىسىندا وڭىرلەردىڭ قاتىسۋىمەن وتەتىن اۋىل شارۋاشىلىعى جارمەڭكەلەرى جاڭا قالىپتا وتەتىنىن ءمالىم ەتتى. الداعى ماۋسىمدا «حان شاتىر» سوو جانىنداعى الاڭدى بەلگىلەپ, وزگە وڭىرلەردىڭ 20 ازىق-تۇلىك جارمەڭكەسىن وتكىزۋ كەستەسى كەلىسىلدى. تۇركىستان وبلىسى العاشقى بولىپ ءونىمىن ۇسىناتىن بولادى.

– ەگەر ءبىز جارمەڭكەدەگى باعا نارىقتاعىدان 10-15 پايىزعا تومەن ەكەنىن مالىمدەگەن بولساق, بۇل ءىس جۇزىندە ورىندالۋى ءتيىس. بۇگىن حالىق ازىق-تۇلىك باعاسىن جاقسى تارازىلايدى. قوعامدىق دەنساۋلىق ساقتاۋ باسقارماسىنا سانيتارلىق جاعدايعا نازار اۋدارۋدى, قوعامدىق دامۋ ىستەرى باسقارماسىنا وتكىزىلەتىن جارمەڭكەلەر تۋرالى حالىقتى حاباردار ەتۋدى, ينۆەستيتسيالار جانە كاسىپكەرلىكتى دامىتۋ باسقارماسىنا باعانى باقىلاۋدى جۇزەگە اسىرۋدى, سونداي-اق, تاۋارلاردىڭ اسسورتيمەنتىن كەڭەيتۋدى تاپسىرامىن, – دەپ اتاپ ءوتتى باقىت سۇلتانوۆ.
سونىمەن بىرگە اۋدان اكىمدىكتەرىمەن بىرلەسىپ, قالا شەتىندە وتەتىن جارمەڭكەلەر ورىندارى انىقتالدى. بۇل سارىارقا اۋدانىندا – كوكتال-1, المالىق كوشەسى 1, كوكتال-2 (№68 مەكتەپ الدى), اگروقالاشىق (تىلەنديەۆ جانە اقان سەرى) تۇرعىن الابىنىڭ اۋماقتارى, الماتى اۋدانىندا – جەلەزنودوروجنىي كەنتى, «جاعالاۋ» ىقشام اۋدانىنداعى جارمەڭكە ەسىل اۋدانى تۇرعىندارىنا قولايلى بولادى.

تاعىدا

ايگۇل ۋايسوۆا

اقپارات سالاسىنىڭ ۇزدىگى

ۇقساس جاڭالىقتار

پىكىر ۇستەۋ

Back to top button