باستى اقپاراتپرەزيدەنت پارمەنى

جاس مامانعا باعدار بەرەدi

«جۇمىسپەن قامتۋ-2020» باعدارلاماسىنىڭ جۇزەگە اسىرىلۋى وسى سالاداعى كوپتەگەن ماسەلەلەردi شەشۋگە جول اشىپ بەردi.
قازiرگi كۇنi مەملەكەتiمiز جاس ماماندارعا بار جاعدايدى جاساپ, بۇرىن-سوڭدى تاريحتا بولماعان جۇمىسقا ورنالاستىرۋ ورتالىقتارىن اشىپ قويدى. كەل, تiركەل, وقى, بiلiمiڭدi سىناپ كور.
مەن دە وسى باعدارلامانىڭ جەمiسiن كورiپ جۇرگەن جاس مامانداردىڭ بiرiمiن.
«جۇمىسپەن قامتۋ-2020» باعدارلاماسىنىڭ ارقاسىندا وزiمە تۇراقتى جۇمىس تاپتىم.
بۇگiندە «استانا قالاسىنىڭ مۇگەدەك بالالار قوعامى» قوعامدىق بiرلەستiگiنە قاراستى «بالام-اي» مۇمكiندiگi شەكتەۋلi بالالاردى دامىتۋ ورتالىعىندا الەۋمەتتiك قىزمەتكەر بولىپ جۇمىس iستەيمiن.
بۇرىنعىنىڭ «ارمانسىز ادام – قاناتسىز قۇس» دەگەن ماتەلiن بۇگiنگi زامان تالابىنا ساي «جۇمىسسىز ادام – قاناتسىز قۇس» دەپ, قالجىڭداپ جۇرگەندەر بار. ءار قالجىڭنىڭ استارىندا بiر شىندىق بار. راسىندا, جۇمىسسىزدىق دەرتi سوڭعى جىلدارى تىم ءورشiپ كەتكەن-دi. جوعارى وقۋ ورنىن بiتiرگەن كوپتەگەن جاس ماماندار ديپلومنان قايىر جوق ەكەنiن ۇعىنىپ ۇلگەرسە, جۇ-مىسقا ەندi ورنالاستىم دەگەن كەي جاس ماماندار قىسقارتۋعا ۇشىراپ جاتادى.
وسى تۇستا «جۇمىسپەن قامتۋ-2020» باعدارلاماسىنىڭ قابىلدانۋى بiز سەكiلدi جاستارعا ۇلكەن كومەگiن تيگiزدi.
العاشقىدا قاناتقاقتى جوبا رەتiندە باستالسا, بيىلدان باستاپ جۇمىسپەن قامتۋدىڭ ناقتى ستراتەگيالىق iس-قيمىل جوسپارى رەتiندە جۇزەگە اسىرىلىپ جاتىر.
جولداۋ جولدارىنا كوز جۇگiرتسەك, بiرiنشi باعىت قازاقستاندىقتاردى جۇمىسپەن قامتۋعا ارنالعان.
قازiرگi كەزدە پرەزيدەنتتiڭ اسا ماڭىزدى تاپسىرماسىنىڭ بارلىق وڭiردە كەڭiنەن قانات جايا تۇسكەنi بايقالادى.
جەر-جەردەن اشىلعان جۇمىسپەن قامتۋ ورتالىقتارىنا كەلiپ, حابارلاسقان ازاماتتاردىڭ دەنi «ەكi قولدارىنا بiر كۇرەك» تاۋىپ جاتىر. ارناۋلى بiلiمi جوق ازاماتتار دا تiركەلiپ, جاڭا كاسiپ تۇرلەرiن مەڭگەرiپ جاتقانى ءوز الدىنا.
مەن قالاعان ماماندىعىم بويىنشا بiلiم الدىم, ديپلومعا قول جەتكiزدiم. قازiر ماماندىعىم بويىنشا تۇراقتى جۇمىسىم بار.
شىنىمدى ايتسام, بۇعان دەيiن استانادا مۇنداي ورتالىقتىڭ جۇمىس iستەيتiنiنەن حابارسىز بولدىم. وسى مەكەمەدە الەۋمەتتiك قىزمەتكەرلەرگە دەگەن سۇرانىستىڭ بار ەكەنiن جۇمىسپەن قامتۋ ورتالىعى ارقىلى ەستiپ بiلدiم. جۇمىس بەرۋشi مەن جۇمىسقا ورنالاستىرۋشى مەكەمەلەردiڭ وسىلايشا ءوزارا جۇيەلi بايلانىس ورناتۋىنىڭ پايداسىن وسىدان-اق كورۋگە بولادى.
«بالام-اي» ورتالىعى – ەرەكشە مۇقتاجدىقتارى بار مۇمكiندiگi شەكتەۋلi بالالارعا كورسەتiلەتiن قوعامدىق قىزمەتتەردiڭ ساپاسىن ارتتىرۋ مەن اتا-انالارعا پسيحولوگيالىق كومەك كورسەتۋ ماقساتىندا قولعا الىنعان ارنايى جوبا شەڭبەرiندە ەرەكشە ساناتقا جاتاتىن بالالاردىڭ وزەكتi ماسەلەلەرiن شەشۋ ماقساتىندا قۇرىلعان مەكەمە. سوندىقتان, بiز سەكiلدi الەۋمەتتiك قىزمەتكەرلەر مۇنداي ورتالىقتارعا اۋاداي قاجەت.
«بالام-اي» ورتالىعىنىڭ قىزمەتكەرلەرi مەن اتا-انالاردىڭ بiرلەسكەن جۇمىسى ناتيجەسiندە مۇمكiندiگi شەكتەۋلi بالالار قوعامعا بەيiمدەلۋ مەن دامۋدىڭ, وقۋ مەن شىعارماشىلىق تۇرعىدان ءوسۋدiڭ مۇمكiندiگiنە يە بولىپ وتىر, سوندىقتان دا اتالعان ورتالىقتىڭ قازiرگi تاڭداعى قوعامدىق ماڭىزى ايرىقشا جوعارى.

جارىلقاسىن راحمانوۆ,
«بالام-اي» مۇمكiندiگi شەكتەۋلi بالالاردى دامىتۋ ورتالىعىنىڭ الەۋمەتتiك قىزمەتكەرi

تاعىدا

ۇقساس جاڭالىقتار

پىكىر ۇستەۋ

Back to top button