استانا قالاسى جاستار ساياساتى ماسەلەلەرى باسقارماسى باستاماسىمەن ابىلايحان داڭعىلى 49/3 ءۇيدىڭ تومەنگى قاباتىندا ءجاسوسپىرىمدەر مەن جاستارعا ارنالعان «جاس قانات» اۋلا كلۋبى اشىلدى. اتالعان شاراعا استانا قالاسى ءماسليحاتىنىڭ حاتشىسى سانسىزباي ەسىلوۆ جانە الماتى اۋدانىنىڭ اكىمى بەكبول ساعىن قاتىسىپ, اۋدان تۇرعىندارىنىڭ قۋانىشىمەن ءبولىستى.
كلۋبتا جيىرماعا جۋىق ۇيىرمە جۇمىس ىستەيدى. حورەوگرافيا زالى, بەينەلەۋ ونەرى, دزيۋدو, بوكس, كاراتە, ەركىن كۇرەس, تاەكۆاندو, شاحمات, ۇستەل تەننيسى, اعاش پەن مەتالل وڭدەيتىن شەبەرحانا بار. وعان قوسا, جاستار مۋزىكا كابينەتىنە جازىلىپ, دومبىرا, بارابان, گيتارا, سينتەزاتور, پيانينو جانە تاعى باسقا اسپاپتاردا ويناپ ۇيرەنەدى. وندا بالالاردىڭ شىعارماشىلىق دامۋى, ساۋىقتىرۋ جانە دەمالۋ ءۇشىن بارلىق جاعداي جاسالعان.
اۋلالىق كلۋبتىڭ كۇن سايىن 6-29 جاس ارالىعىنداعى 500-گە جۋىق ادامدى قابىلداۋعا قاۋقارى بار.
