باستى اقپاراتمادەنيەت

«جاس قاناتتىڭ» جاڭا جۇلدىزدارى

«جاس قانات» دەپ اتالعان بايقاۋ بيىل تاعى دا ءوزىنىڭ جيىرما ءبىرىنشى جەڭىمپازىن انىقتادى.

18-20 مامىر ارالىعىندا ەلورداداعى كونگرەسس-حولل سارايىندا جاس ورىنداۋشىلاردىڭ
رەسپۋبليكالىق «جاس قانات» بايقاۋى ءوتتى.

جىلدا “جاس قاناتقا” زور ۇمىتپەن كوز تىگەتىن ادەتىمىز. سەبەبى, بايقاۋ جىل سايىن قازاق ەستراداسىنا جاڭا ءبىر ەسىمدى اكەلەدى. بايقاۋدىڭ ءبىر كەزدەگى لاۋرەاتتارى مەن ديپلومانتتارىنىڭ اراسىنان مەدەۋ ارىنباەۆ, ەرلان كوكەەۆ, «ۇركەر» توبى, باقىت شاداەۆا, نۇرلان ابدۋللين, مايرا داۋلەتباقوۆا, باقىتجان قاجىمۇقانوۆ, باۋىرجان يساەۆ, قۇرماش ماحانوۆ, ءمادينا سادۋاقاسوۆا سەكىلدى انشىلەردىڭ شىعۋى – وسىنىڭ دالەلى.

ۇيىمداس تىرۋشىلار بيىلعى بايقاۋدىڭ باستى ەرەكشەلىگى دەپ – قاتىسۋعا ءوتىنىش بەرگەندەردىڭ سانى رەكوردتىق كورسەتكىشكە جەتكەنىن اتاپ ءوتتى.

الايدا, ولاردىڭ تەك 16-سى عانا بايقاۋعا قاتىسۋ باقىتىنا يە بولدى.

بايقاۋالدى ءبىر كۇن بۇل كۇنى بايقاۋ قاتىسۋشىلارى استانا قالاسى مادەنيەت باسقارماسىنىڭ باستىعى بولات ماجاعۇلوۆپەن كەزدەستى. باسقارما باستىعى جەكە كابينەتىندە جاسقاناتتىقتاردىڭ وسىمەن ەكىنشى تولقىنىن قابىلداپ وتىرعانىنا قۋانىشتى ەكەنىن ايتتى.

«قاي-قايسىڭىز دا جەڭىمپاز بولۋعا لايىقسىزدار. بىراق, وسى بايقاۋعا قاتىسۋ مۇمكىندىگىنە يە بولعاندارىڭىزدىڭ ءوزى ۇلكەن جەڭىس. سىزدەرگە ەندىگى كەرەگى – ەڭبەكقورلىق, توزىمدىلىك, سابىرلىلىق. بايقاۋدىڭ باسى-قاسىندا جۇرگەن مۇرات ەرعاليەۆ پەن الەكساندر پونومارەۆتىڭ «قولدارى جەڭىل». ولار ەستراداعا تالاي جۇلدىزدى الىپ كەلدى. سىزدەردى دە سولاردىڭ قاتارىنان كورەم دەگەن سەنىمدەمىن»,– دەدى.

جوبانىڭ باس پروديۋسسەرى مۇرات ەرعاليەۆ بيىلعى بايقاۋعا جۋرناليستەر تاراپىنان ەرەكشە قىزىعۋشىلىق تۋىپ جاتقانىن ايتتى. ءسوزىنىڭ دالەلى رەتىندە بايقاۋعا قاتىسۋشىلار جايلى جازىپ جاتقان ءبىر بۋما گازەت-جۋرنال-
دى قۇشاقتاي كەلىپتى.

شىمىلدىق تۇرىلگەن كۇن

كونكۋرستا كىمدەر قازىلىق ەتەتىنى بايقاۋ باستالۋىنا ساناۋلى سەكۋند قالعانعا دەيىن قۇپيا ساقتالدى.
شىمىلدىق ت ءۇ ءرى ل ءى پ , س ا حناعا جۇرگىزۋشىلەر شىققاننان كەيىن عانا ولاردىڭ ەسىمى بەلگىلى بولدى. سونىمەن, قازىلار القاسىنىڭ تىزگىنى سەنات دەپۋتاتى, مەملەكەتتىك سىيلىقتىڭ يەگەرى, كومپوزيتور تولەگەن مۇحامەدجانوۆقا تاپسىرىلىپتى. ال, مۇشەلىككە ەنگەندەر اراسىندا ەسىمدەرى ەگجەي-تەگجەيلى تانىستىرۋدى قاجەت ەتپەيتىن كەڭەس دۇيسەكەۆ, مۇرات قۇسايىنوۆ, نۇرجامال ۇسەنباەۆا, مايرا داۋلەتباقوۆا, باقىت شاداەۆا سىندى ونەر ساڭلاقتارى بار.

بايقاۋدىڭ العى ءسوزى استانا قالاسى اكىمى يمانعالي تاسماعامبەتوۆتىڭ قۇتتىقتاۋ حاتىمەن باستالدى. قالا باسشىسى ءوز سوزىندە استانانىڭ بۇگىندە ونەر ورداسىنا اينالعانىن, ال «جاس قانات» بايقاۋىنىڭ ەلوردانىڭ مادەني ومىرىنە قوسار ۇلەسى زور ەكەنىن اتاپ ءوتىپتى. جاستاردىڭ جەڭىستى ساتتەرى كوپ بولۋىنا تىلەكتەستىك
ءبىلدىرىپتى.

ساحناعا العاش بوپ شىققان شىعىس قازاقستاننان كەلگەن كۇلايىم
قايىرباەۆانىڭ «ايتارىم جوق», استانالىق مەرۋەرت جەلدىباەۆانىڭ «ۇناتامىن», ورالدىق نازيرا
حيباشەۆانىڭ «There you ll be», اقتوبەلىك نۇربولات ءابدۋلليننىڭ «سەزىم ءۇمىتى» اندەرىن تىڭدارمان جىلى قابىلدادى. ال, اقتوبەلىك ديماش قۇدايبەرگەننىڭ ۋكراين تىلىندە شىرقاعان «يا ليۋبليۋ تىلكي تەبە» انىنەن كەيىن قازىلار القاسى ونى ساحنانىڭ حانزاداسى دەپ باعالاپ جاتتى.

ەكىنشى كۇنى ساحنا تورىندە ون التى ونەرپازدىڭ اراسىنان وزا شاپقان ون ۇزدىك ونەر كورسەتتى.

ال, ودان كەيىن اقتىق سىنعا نەبارى 5 ونەرپاز عانا جول تارتتى.

جيىرماس ىنشى مامىر – جۇلدىزدى كۇن

اقتىق سىن. شەشۋشى كەزەڭ. «جاس قانات» بايقاۋىنىڭ كورىگى ناعىز قىزعان كۇن بولدى بۇل.

نەبارى ساناۋلى سەكۋندتاردان سوڭ «جاس قاناتتىڭ» جيىرما ءبىرىنشى جۇل دىزى جارقىراي جانباق .
جەڭىمپازدىڭ اتىن جاريالاۋ ءۇشىن ساحناعا ادىلقازىلار القاسى كوتەرىلدى. كورەرمەننىڭ دە, قاتىسۋشىلاردىڭ دا كوڭىلىن كۇپتى قىلعان قازىلار القاسى جۇلدەگەرلەردىڭ ەسىمىن اتاي باستادى.

ءۇشىنشى ورىن – شىعىسقازاقستاندىق كۇلايىم قايىرباەۆا! ەكىنشى ورىن – استانالىق گۇلنۇر داماەۆا! باس جۇلدە, «التىن قانات» مۇسىنشەسىنىڭ يەگەرى… زال سىلتىدەي تىندى. زالداعى مىڭنان استام ادام ميكروفون الدىنداعى قازىلار القاسى توراعاسىنىڭ اۋزىن باعىپ ءبىر ءسات تىنا قالدى. «جاس قاناتتىڭ» جيىرما ءبىرىنشى جەڭىمپازى اقتوبەلىك ديماش قۇدايبەرگە-ە-ەن!» دەگەن داۋىس شىعىسىمەن, بۇكىل زال ورە تۇرەگەلىپ, قول شاپالاقتاي جونەلدى.

بۇل بايقاۋ ادىلقازىلارىنىڭ بيىلعى تاڭداۋىنا, «ساحنا حانزاداسى» اتانعان ديماشتىڭ شىنايى ونەرىنە دەگەن كورەرمەننىڭ ىستىق ىقىلاسىنان تۋعان قوشەمەت ەدى.

شىنار دوسان

 

تاعىدا

ۇقساس جاڭالىقتار

پىكىر ۇستەۋ

Back to top button