جاس شەبەرلەر كورمەسى
استاناداعى م.وتەمىسۇلى اتىنداعى وقۋشىلار سارايىندا تاۋەلسىزدىكتىڭ 25 جىلدىعىنا ارنالعان بالالار شىعارماشىلىعى مەن بەينەلەۋ ونەرىنىڭ «تۇمار-2016» قالالىق كورمەسىنىڭ قورىتىندىسى شىقتى.
يگىلىكتى شارانىڭ ماقساتى – جاس جەتكىنشەكتەردى حالىق شىعارماشىلىعىنا تارتۋ كوزدەلگەن. كورمەگە ەلوردالىق مەكتەپتەردەن 250 وقۋشىلار قاتىسىپ, وزدەرى جاساعان ءتۇرلى بۇيىمدارىن جۇرتشىلىق نازارىنا ۇسىندى.
بايقاۋ ناتيجەسى بويىنشا «ارت-ينستاللياتسيا» اتالىمىندا «نۇر وردا» مەكتەبىنەن كەلگەن سەگىز جاسار احمەت قابدوللا توپ جاردى. «ساندىك-قولدانبالى ونەر» ساناتىندا №2 مەكتەپ-گيمنازياسىنىڭ وقۋشىسى ايىم قايورعازينوۆانىڭ ونەرى جوعارى باعالاندى. «ماكەتتەر, كوللاجدار, قاعازباستىلىق» اتالىمىندا №27 مەكتەپ–ليتسەيىنىڭ وقۋشىلارى كاميلل كامالوۆ پەن ەلەنا كيرپيچەۆانىڭ ەڭبەكتەرى ۇزدىك دەپ تانىلدى. №1 ماتەماتيكالىق-ەكونوميكالىق ليتسەيدىڭ وقۋشىسى ەرمەك تۇرعىمباەۆ ەڭ كرەاتيۆتى ءمۇسىننىڭ اۆتورى اتاندى.
– بۇگىنگى تاڭدا ءار مەكتەپتە تەحنولوگيا ءپانى وتكىزىلەدى. سوندىقتان, قولى ىسمەر, شەبەر بالالارعا وزدەرى جاساعان دۇنيەلەرىن كورسەتەتىن الاڭ قاجەت. كورمەگە ءتۇرلى جۇمىستار ۇسىنىلدى. وتكەن جىلى نەگىزىنەن, ۇلتتىق ناقىشتاعى بۇيىمدار كوبىرەك بولسا, بيىل ەلىمىزدىڭ بولاشاعىنا ارنالعان زاتتار مولىنان ۇشىراستى, – دەيدى م.وتەمىسۇلى اتىنداعى وقۋشىلار سارايى ديرەكتورىنىڭ ورىنباسارى الماگۇل جاپاروۆا.
ازامات ەسەنجول