جاڭالىقتارمادەنيەت

جاس سكريپكاشىمەن جۇزدەستى

رۋسلان تۇرىنتاەۆ

استانا قالاسىنىڭ اكىمى يمانعالي تاسماعامبەتوۆ پ.چايكوۆسكي اتىنداعى VIII حالىقارالىق جاسوسپىرىمدەر بايقاۋىنىڭ جەڭىمپازى, تالانتتى سكريپكاشى رۋسلان تۇرىنتاەۆتى قابىلدادى. كەزدەسۋ بارىسىندا قالا باسشىسى ونەرپاز ورەندى جەڭىسىمەن قۇتتىقتادى.

«جارايسىڭ, رۋسلان! سەن ۇلكەن قۇرمەتكە لايىقسىڭ! بۇعان دەيىن دە بىرنەشە بايقاۋلاردىڭ جەڭىمپازى بولىپ كەلدىڭ. بۇل سوڭعىسى ەمەس دەپ ويلايمىن. ەش نارسە وڭايلىقپەن كەلمەيدى. ءار جەڭىستىڭ ارتىندا ەڭبەك تۇرادى. سوندىقتان, سەنىڭ جەتىستىگىڭ ۇلكەن ماڭداي تەرىڭمەن كەلگەنى انىق» دەدى يمانعالي تاسماعامبەتوۆ.

جاس سكريپكاشى بولسا, جەڭىسكە قول جەتكىزۋدىڭ وڭاي بولماعانىن ايتادى. بايقاۋداعى باسەكەلەستەرى دە وسال ەمەس. دەگەنمەن, نامىسقا تىرىسىپ, بارىن سالعان.
رۋسلاننىڭ جاسى نەبارى ون بەستە. ول جەتى جىلدان بەرى سكريپكامەن اينالىسىپ كەلەدى. جاس دارىن ءتۇرلى حالىقارالىق كونكۋرستاردا دارا شاۋىپ, ەلىنىڭ داڭقىن اسپانداتىپ ءجۇر. جاستىعىنا قاراماستان, ومبى, ورىنبور, ماسكەۋ, كۋالا-لۋمپۋر قالالارىنا, يتاليانىڭ گەنۋياسىنا شاقىرىلىپ, ونەر كورسەتتى. اتاقتى سكريپكاشى ۆلاديمير سپيۆاكوۆ رۋسلانعا «قازاقستاندىق پاگانيني» دەپ باتاسىن بەرگەن ەكەن. وعان قوسا, پاريجدەگى اتاقتى نەمىس شەبەرىنىڭ قولىنان شىققان سكريپكانى تارتۋ ەتتى.

قازىرگى كۇندە جاس تالانت پ.چاي­كوۆسكي اتىنداعى كونسەرۆاتوريا جانىنداعى ورتالىق مۋزىكالىق مەكتەپتە پروفەسسور, رەسەي حالىق ءارتيسى يرينا بوچكوۆانىڭ سىنىبىندا ءبىلىم الۋدا.

الداعى ۋاقىتتا تۋما تالانت ءوز ەلىن بارشا الەمگە تانىمال ەتپەك ماقساتتا.

اماندىق بولسا, رۋسلان تۇرىن­تاەۆتىڭ كوگىمىزدە الەمدىك جۇلدىز بولىپ جاناتىن ۋاقىتى دا اسا الىس ەمەس.

ەركەجان ساتىمبەك

تاعىدا

ۇقساس جاڭالىقتار

پىكىر ۇستەۋ

Back to top button