جاستار – مەملەكەتتىڭ كەلەشەگى. ولاردىڭ تاربيەلى جانە ءبىلىمدى بولىپ قالىپتاسۋى – بولاشاقتىڭ كەپىلى.
ال, «جاس وتان» جاستار قاناتى ورەندەرىمىزدىڭ بەلسەندىلىگىن ارتتىرىپ, قوعامدىق جۇمىستارعا تارتاتىن ۇيىم رەتىندە بەلگىلى. قاراشانىڭ 16-سى كۇنى «نۇر وتان» حدپ «جاس وتان» جاستار قاناتىنىڭ II سەزى وتەدى. ءدال وسى جيىندا جاستار ساياساتىنىڭ 2020 جىلعا دەيىنگى دامۋ ستراتەگياسى قابىلدانىپ, ناقتى ءىس-شارالار بەكىتىلمەك. وسى رەتتە «جاس وتاننىڭ» بەلسەندىلەرىن ءسوزگە تارتقان ەدىك.
مەرەكە پوشانوۆ,
«نۇر وتان» حدپ «نۇر» فيليالى «جاس وتان» جق اتقارۋشى حاتشىسى:
– «جاس وتان» جاستار قاناتى پرەزيدەنتتىڭ ەلدى جاڭعىرتۋعا ارنالعان باعىتىن جان-جاقتى قولداۋمەن قامتاماسىز ەتە العان بەدەلدى دە بۇقارالىق جاستار ۇيىمىنا اينالدى. «نۇر وتان» حدپ «جاس وتان» جاستار قاناتىنىڭ ءى سەزى 2008 جىلى وتكەن بولاتىن. وندا دا ءبىراز ماڭىزدى قۇجاتتار قابىلدانعان ەدى. بيىلعى سەزدە «جاستار – وتانعا!» ستراتەگياسى قابىلدانادى. وندا «جاس وتان» مۇشەلەرىنىڭ الداعى 8 جىلدا اتقاراتىن جۇمىس جوسپارى بەكىتىلگەن. وندا ساپالى ءبىلىم الۋ, تۇراقتى جۇمىسقا ورنالاسۋ, تۇرعىن ۇيمەن قامتىلۋ جانە سالاۋاتتى ءومىر سالتىن ۇستانۋ مىندەتتەرى تۇر. جاستاردى الەۋمەتتىك قامسىزداندىرۋ ماسەلەلەرى دە بىرتىندەپ شەشىلىپ كەلەدى. بۇل رەتتە جاستار ەلباسىنىڭ «قازاقستاننىڭ الەۋمەتتىك جاڭعىرتىلۋى: جالپىعا ورتاق ەڭبەك قوعامىنا قاراي 20 قادام» باعدارلامالىق ماقالاسىنا ارقا سۇيەيدى. جالپى, جاستار مۇددەسىنە باعىتتالعان بۇل ستراتەگيا ۇزاق مەرزىمدى ماقساتتاردىڭ دەكلاراتسياسى عانا ەمەس, جاڭارتۋدىڭ اۋقىمدى مىندەتتەرىن ىسكە اسىرۋ جونىندەگى ءىس-ارەكەتتەر باسشىلىعى بولماق.
ناۋرىزبەك ءناسىر,
سەزد دەلەگاتى:
«جاس وتان» جاستار قاناتىنىڭ ىى سەزىنە بارىنشا دايىندالۋدامىز. ماڭىزدى ءىس-شارادان كۇتەتىنىمىز كوپ. سەبەبى, العاشقى سەزدەن كەيىن مەملەكەتتىڭ جاستارعا دەگەن قامقورلىعى ارتىپ, كوپتەگەن جاقسى ناتيجەلەرگە قول جەتتى. مەملەكەتتىك گرانتتاردىڭ ارتۋى, «بولاشاق» باعدارلاماسى, «ديپلوممەن – اۋىلعا» سىندى سەرپىندى جوبالار جۇزەگە اسىپ, ءبىلىمدى جاستاردىڭ جارقىن بولاشاعىنا جول اشتى.
قازىرگى تاڭدا جاستاردى قۇقىقتىق تۇرعىدان قولداپ, ولاردىڭ الەۋمەتتىك جاعدايلارىنىڭ دۇرىس قالىپتاسۋىنا ىقپال ەتۋ – مەملەكەتتىڭ باستى ساياساتىنىڭ ءبىرى. سەبەبى, تاۋەلسىز قازاقستان ەكونوميكالىق تۇرعىدان نىق قادامدارعا باستاپ, جاڭا رەفورمالاردى جۇزەگە اسىرىپ, الەمدىك ارەنادا ءوزىنىڭ نەگىزگى ورنىن قالىپتاستىردى. بۇل سەزدە نەگىزگى كۇن تارتىبىندە ەلباسىمىزدىڭ قازاقستاننىڭ الەۋمەتتىك جاڭعىرتىلۋى: «جالپىعا ورتاق ەڭبەك قوعامىنا قاراي 20 قادام» اتتى تۇجىرىمداماسى قىزۋ تالقىلانىپ, 2004 جىلى 7 شىلدەدە قابىلدانعان «مەملەكەتتىك جاستار ساياساتى» تۋرالى زاڭعا وزگەرىستەر ەنگىزۋگە ناقتى شەشىمدەر قابىلدانادى دەپ ويلايمىن.
زەرە قۇسايىنوۆا,
«جاس وتان» جاستار قاناتىنىڭ بەلسەندى مۇشەسى:
الداعى «نۇر وتان» حدپ «جاس وتان» جاستار قاناتىنىڭ ءىى سەزى 2020 جىلعا دەيىنگى دامۋدىڭ جاڭا ۆەكتورىنا اينالاتىن «جاستار – وتانعا!» ستراتەگياسىن قابىلداپ, ەلباسى جاستاردىڭ الدىنا بىرقاتار ءىس-شارالاردى بەكىتەدى دەگەن سەنىم بار. ياعني, ەلباسى وسى جاستار قۇرىلتايىندا دا جاستار ساياساتى سالاسىندا تىڭ يدەيالاردى ۇسىنىپ, جاڭا جوبالارعا جول اشاتىندىعى ءسوزسىز. جاستاردىڭ عىلىمي الەۋەتىن دامىتۋعا جانە بۇكىل قوعامنىڭ نازارىن بەلسەندى ومىرلىك ۇستانىممەن ەرەكشەلەنەتىن جاستارعا بۇرۋعا نيەتتى بۇل ستراتەگيانىڭ ەل بولاشاعى ءۇشىن ماڭىزى زور.
