ەكونوميكا
«جاسىل ەكونوميكا» جايلى باياندادى
ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە «بەيرەسمي كەزدەسۋلەر» جوباسى اياسىندا قر قورشاعان ورتا جانە سۋ رەسۋرستارى ءمينيسترى نۇرلان قاپپاروۆ «قازاقستان – 2050» جالپىۇلتتىق قوزعالىسىنىڭ بەلسەندىلەرىمەن كەزدەستى.
كەزدەسۋ بارىسىندا ۆەدومستۆو باسشىسى مينيسترلىك جۇمىسىنىڭ باعىتىن, قازاقستان رەسپۋبليكاسىنىڭ «جاسىل ەكونوميكاعا» كوشۋ تۇجىرىمداماسى, قالدىقتاردى قايتا وڭدەۋ مەن سۋ رەسۋرستارىن ءتيىمدى پايدالانۋ جايىندا جان-جاقتى اڭگىمەلەپ بەردى. بۇل تۋرالى «قازاقستان-2050» جالپىۇلتتىق قوزعالىسىنىڭ ءباسپاسوز قىزمەتىنەن حابارلاندى.
سونىمەن قاتار, نۇرلان قاپپاروۆ ەكولوگيالىق تاربيەگە, «جاسىل كوپىر» سەرىكتەستىك باعدارلاماسىنا قاتىستى بەلسەندىلەردىڭ سۇراقتارىنا جاۋاپ بەردى. كەزدەسۋ سوڭىندا جيىنعا قاتىسۋشىلار مينيسترگە العىستارىن ءبىلدىرىپ, «قازاقستان-2050» جالپىۇلتتىق قوزعالىسىنا كىرۋىن ۇسىندى. ن.قاپپاروۆ ولاردىڭ بۇل ۇسىنىسىن قابىل الدى.