مىناۋ – كونەنىڭ كوزىندەي اقمولاداعى ەكىنشى مەشىت سۋرەتى. ونى 1895 جىلى وسى شاھارداعى ەڭ باي ادامداردىڭ ءبىرى, ءىرى قارا مال ساتۋمەن اينالىسقان 2-گيلديا كوپەسى, ۇلتى تاتار نۇرمۇحاممەد (نۇركەن) زابيروۆ ءوز قاراجاتىنا سالدىرعان.
حالىق اراسىندا «تاتار مەشىتى» نەمەسە بويالعان تۇسىنە قاراي «جاسىل مەشىت» دەگەن اتقا يە بولعان بۇل مەشىت بۇرىنعى تسەركوۆنايا, كەيىن لەنين ەسىمىن يەلەنگەن كوشەدە (قازىرگى اباي كوشەسى مەن رەسپۋبليكا داڭعىلى قيىلىسىندا) ورنالاسقان بولاتىن.
1930 جىلداردىڭ سوڭىندا مەشىت جابىلدى. كەيىن وندا پيونەرلەر ءۇيى ورنالاستى. ال 1950 جىلدارى ورنىنا ءۇش قاباتتى تۇرعىن ءۇي سالىندى. دەگەنمەن مەشىتتىڭ تاس قاقپاسى, تىرەۋلەر, تەمىر تور قورشاۋلارى ساقتالعان. بۇگىندە جاسىل مەشىت قورشاۋى قالانىڭ كيەلى نىساندار كارتاسىنا ەنگىزىلگەن.
عازيزا يساحان
