جازىقتىلارعا سوت ءادىل ۇكىم شىعاردى
استانا قالاسىنىڭ پروكۋراتۋراسى جازىقتىلاردى قىلمىستىق جاۋاپكەرشىلىككە تارتۋ بويىنشا شارالار قولدانۋمەن قاتار, جەدەل تەرگەۋ امالدارىن پايدالانا وتىرىپ, سىبايلاس جەمقورلىق قىلمىستارىن الدىن الا انىقتاۋدى ماقسات تۇتادى.
اسىرەسە, جەر قاتىناستارى مەن بيۋدجەت قاراجاتىن يگەرۋ سياقتى ماڭىزدى سالالار ايرىقشا قاداعالانادى.
2014 جىلدىڭ توعىز ايىنداعى كورسەتكىش بويىنشا قالالىق پروكۋراتۋرا ءۇش سىبايلاس جەمقورلىق بويىنشا قىلمىستىق ءىس قوزعاپ, ولاردىڭ ىشىندە ءبىر ءىس بويىنشا كىنالى ادام سوتتالىپ, باس بوستاندىعىنان ايىرىلدى. قالعان ەكى ءىستىڭ بىرەۋى – سوتتا, ەكىنشىسى – تەرگەۋ بارىسىندا.
مىسالى, «قالالىق جىلجىمايتىن مۇلىك» مقك-دا (بۇدان ءارى – مەكەمە) جەر ۋچاسكەلەرىن الىپ قويعانى ءۇشىن مەنشiك يەلەرiنە بەرىلەتىن وتەماقىنى شىن مانىسىندە جەرلەرى الىنباعان تۇلعالاردىڭ اتتارىنا اۋدارۋ جولىمەن اقشانى زاڭسىز يەمدەنۋ فاكتىلەرى انىقتالدى.
مەكەمەنىڭ باس ەسەپشىسى ا.ب.شۋماتوۆانىڭ بىرنەشە ەپيزودتان قۇرالعان قىلمىستىق ارەكەتتەرىنەن مەملەكەتكە 36 ملن تەڭگەدەن اسا زالال كەلتىرىلگەن.
اتالعان فاكتى بويىنشا استانا قالاسىنىڭ پروكۋراتۋراسى 2014 جىلدىڭ 31 ناۋرىزىندا قازاقستان رەسپۋبليكاسىنىڭ قىلمىستىق كودەكسىنىڭ (بۇدان ءارى – كودەكس) 176-بابىنىڭ 3-تارماعىنا سۇيەنە وتىرىپ, قىلمىستىق ءىس قوزعادى.
وسى جىلدىڭ 8 شىلدەسىندە استانا قالاسىنىڭ №2 سارىارقا اۋداندىق سوتىنىڭ ۇكىمىمەن ا.ب.شۋماتوۆاعا كودەكستىڭ 176-بابىنىڭ 3-تارماعىنىڭ «ب»-تارماقشاسى بويىنشا مۇلكى تاركىلەي وتىرىپ, 5 جىل باس بوستاندىعىنان ايىرۋ جازاسى كەسىلدى.
سونىمەن قاتار, مەملەكەتتىك قىزمەتكەرلەر اراسىندا جەمقور جانداردى اشكەرەلەۋ بويىنشا جەدەل-ىزدەستىرۋ شارالاردىڭ ۇيىمداستىرىلۋىنا پروكۋراتۋرانىڭ ءوزى باستاماشىلىق جاساپ وتىر.
ناتيجەسىندە, بيىل 5 ماۋسىمدا قارجى پوليتسياسى «استانا تازالىق» جشس-ءنىڭ قىزمەتكەرلەرىنەن 1 850 000 تەڭگە كولەمىندە پارا الۋ كەزىندە ۇستالعان استانا قالاسىنىڭ قارجىلىق باقىلاۋ ينسپەكتسياسىنىڭ مامانى ج.د.نۇركەەۆكە قاتىستى قىلمىستىق كودەكستىڭ 311-بابىنىڭ 5-تارماعى بويىنشا قىلمىستىق ءىس قوزعادى.
2014 جىلدىڭ 25 شىلدەسىندە استانا قالاسى قىلمىستىق ىستەر بويىنشا مامانداندىرىلعان اۋدانارالىق سوتىنىڭ ۇكىمىمەن ج.د.نۇركەەۆ مۇلىگىن تاركىلەۋمەن 10 جىل باس بوستاندىعىنان ايرىلدى.
البەتتە, جازىقتى جاۋاپكەرشىلىكتەن قاشىپ, بۇلتاردى. الايدا, استانا قالاسى قىلمىستىق ىستەر جونىندەگى اپپەلياتسيالىق سوت القاسىنىڭ 23.09.2014 جىلعى قاۋلىسىمەن اتالعان ۇكىم وزگەرىسسىز قالدى.
قازاقستان رەسپۋبليكاسى «سىبايلاس جەمقورلىققا قارسى كۇرەس تۋرالى» زاڭىن ورەسكەل بۇزعانى ءۇشىن پروكۋرورلىق قاداعالاۋ اكتىلەردىڭ نەگىزىندە لاۋىزىمدى ادامداردىڭ تارتىپتىك جاۋاپكەرشىلىككە تارتۋ تۋرالى ساراپتاماسى «استانا قالاسى جۇمىسپەن قامتۋ جانە الەۋمەتتىك باعدارلامالار باسقارماسى» مم-دە, «استانا قالاسى ەڭبەك ينسپەكتسياسىنىڭ باسقارماسى» مم-دە, «استانا قالاسى قارجى باقىلاۋ ينسپەكتسياسى» مم-دە, «استانا قالاسى ايماقتىق جەر ينسپەكتسياسى» مم-دە, «الماتى» اۋدانى سالىق باسقارماسى» مم-دە, «№53 ورتا مەكتەپ» مم-دە, «№57 ورتا مەكتەپ» مم-دە سىبايلاسقان جەمقورلىق قۇقىق بۇزۋشىلىقتار جاسالىناتىندىعىن انىقتاپ وتىر. زاڭدى بەلدەن باسقانى ءۇشىن 10 لاۋازىمدى ادام جاۋاپكەرشىلىككە تارتىلدى.
ءبىرىنشى باسشىلار اراسىندا زاڭسىزدىقتاردى انىقتاۋ بويىنشا جۇمىس توڭىرەگىندە ايتار بولساق, «استانا قالاسى ايماقتىق جەر ينسپەكتسياسى» مم-ءىڭ باسشىسى ە.ك.احمەتوۆ وزىنە باعىنىشتى تۇلعانىڭ جەمقورلىق قارەكەتىنە كوزجۇمبايلىعى ءۇشىن قازاقستان رەسپۋبليكاسى اكىمشىلىك قۇقىقبۇزۋشىلىق تۋرالى كودەكسىنىڭ 537-بابىندا كوزدەلگەن اكىمشىلىك قۇقىق بۇزۋشىلىق ءۇشىن سوت تارتىبىمەن جاۋاپكەرشىلىككە تارتىلعانى تۋرالى اتاپ كورسەتكەن ءجون.
جالپى العاندا, استانا قالالىق پروكۋراتۋراسىنىڭ سىبايلاس جەمقورلىققا قارسى كۇرەستە قۇقىقبۇزۋشىلىقتار مەن زاڭسىزدىقتاردى انىقتاۋ ماقساتىندا 216 شارا وتكىزىلدى. ونىڭ ىشىندە 142 ءدارىس (لەكتسيا), 10 «دوڭگەلەك ۇستەل» تالقىلاۋى, 7 سەمينار, ءتۇرلى باق بەتتەرىندە 57 ماقالا جاريالاندى.
ماسەلەن, كۇنى كەشە عانا, 25-قىركۇيەكتە استانا قالاسى پروكۋرورىنىڭ توراعالىعىمەن جەمقورلىققا قارسى زاڭدى جەتىلدىرۋ جونىندە «دوڭگەلەك ۇستەل» ءوتتى, وندا قازاقستان رەسپۋبليكاسىندا 2011 – 2015 جىلدارعا ارنالعان جەمقورلىققا قارسى كۇرەس سالالىق باعدارلاماسىن (قازاقستان رەسپۋبليكاسى ۇكىمەتىنىڭ 31.03.2011 ج. №308 قاۋلىسىمەن بەكىتىلدى) جۇزەگە اسىرۋ ماسەلەلەرى تالقىلاندى.
«دوڭگەلەك ۇستەل» جۇمىسىنا استانا قالاسى اكىمدىگىنىڭ, قازاقستان رەسپۋبليكاسى استانا قالاسى بويىنشا مەملەكەتتىك قىزمەت ىستەرى ءجونىندەگى اگەنتتىك دەپارتامەنتىنىڭ, استانا قالاسى قۇقىق قورعاۋ ورگاندارىنىڭ, «نۇر وتان» پارتياسى جانە «جاڭارۋ» جالپى ۇلتتىق جەمقورلىققا قارسى كۇرەس قوزعالىسى» اقف وكىلدەرى جانە باسشىلارى قاتىستى.
پروكۋراتۋرا بۇل باعىتتاعى جۇمىستى كۇن تارتىبىنەن تۇسىرمەي, ءالى دە جالعاستىراتىن بولادى.
ب.مەلدەبەكوۆ,
استانا قالاسى پروكۋرورىنىڭ اعا كومەكشىسى