قازىناشىلىق – ەلىمىزدىڭ ەكونوميكالىق دامۋىنا تىكەلەي اسەر ەتەتىن, مەملەكەتتىك قارجىنى ءتيىمدى جانە ورنىقتى باسقارۋعا جاۋاپ بەرەتىن ەلىمىزدىڭ بيۋدجەتتىك جۇيەسىندەگى ماڭىزدى بۋىن. وسىعان سايكەس, بۇل قىزمەت باستاپقىدا-اق ءاربىر باسقارۋ سالاسىندا كىرىستەر مەن شىعىستاردىڭ اشىقتىعى مەن باقىلاۋىن قامتاماسىز ەتۋ ءۇشىن ۇيىمداستىرىلعان.
بۇل, ءوز كەزەگىندە, جالپىعا بىردەي تانىلعان بۋحگالتەرلىك ەسەپ, كىرىستەر مەن شىعىستاردىڭ بىرىڭعاي بيۋدجەتتىك سىنىپتاماسى, بارلىق مەملەكەتتىك ورگانداردى قاجەتتى اقشالاي قاراجاتپەن قامتاماسىز ەتۋدەگى بىرقالىپتى قازىناشىلىق نورمالار مەن ستاندارتتار تۇرعىسىنان الىپ قاراعاندا وتە ماڭىزدى قىزمەت سالاسى, سونداي-اق مەملەكەتتىك بيۋدجەتتىڭ اقشا اعىنىن باسقارۋدى بىرىڭعاي جۇيەگە بىرىكتىرگەن ارناۋلى اۋماقتىق قارجىلىق ورگانداردىڭ جيىنتىعى.
قازىناشىلىق اقپاراتتىق جۇيەسى شەشىم قابىلداۋشى مەملەكەتتىك ورگاندارعا انىق, ۋاقىتىلى جانە تولىق قارجىلىق اقپاراتتى ۇسىنا وتىرىپ, بارلىق دەڭگەيلەر مەن كەزەڭدەردە بيۋدجەتتىك ءۇردىستىڭ اتقارىلۋىن قاتاڭ باقىلاۋمەن, جەرگىلىكتى بيۋدجەتتەر مەن مەملەكەتتىك مەكەمەلەر ءۇشىن مەملەكەتتىك قارجىنى بارلىق دەڭگەيدە ءتيىمدى باسقارۋعا نەگىزدەلگەن.
«ەسەپ ايىرىسۋ – كاسسالىق قىزمەت كورسەتۋ», مەملەكەتتىك مەكەمەلەردىڭ قولما-قول اقشانى باقىلاۋ شوتىن, كۆازيمەملەكەتتىك سەكتور سۋبەكتىلەرىنىڭ شوتتارىن جۇرگىزۋ, بيۋدجەت قۇرالىن باسقارۋ, قارجىلاندىرۋ جوسپارىن جۇرگىزۋ, ازاماتتىق-قۇقىقتىق مامىلەلەردى تىركەۋ, مەملەكەتتىك مەكەمەلەر/ كۆازيمەملەكەتتىك سەكتور سۋبەكتىلەرىنىڭ تولەمدەرىن جۇرگىزۋ, بيۋدجەتتى اتقارۋ تۋرالى ەسەپتىلىكتى قۇرۋ بيۋدجەتتى اتقارۋ بويىنشا قازىناشىلىق ورگاندارىنىڭ نەگىزگى قىزمەتى بولعاندىقتان, ەلىمىزدىڭ يگىلىگى جولىنداعى ادال ءارى ەسەلى ەڭبەكتى قاجەت ەتەتىن سالادا سىبايلاس جەمقورلىققا جول بەرىلمەيتىنى ءسوزسىز.
«ادىلدىك جوق جەردە پارا بەلەڭ الادى» دەپ حالقىمىز ايتقانداي, سىبايلاس جەمقورلىق – زامان اعىسىمەن بىرگە ءوسىپ-وركەندەپ, مول قاراجات پەن قوعامدا باسەكەلەستىك پايدا بولعان جەرگە تامىرىن جايىپ, بۇگىنگە دەيىن جويىلماي وتىرعان كەسەل. بۇل كەسەل دامۋشى ەلدەردەگىدەي ءبىزدىڭ دە مەملەكەتىمىزگە وراسان زور نۇقسان كەلتىرەتىنى بەلگىلى. سوندىقتان كەز كەلگەن ورتادا پارا بەرۋ جانە پارا الۋدىڭ جولىن كەسۋدە قوعام بولىپ بەلسەندىلىك تانىتۋىمىز قاجەت دەپ ويلايمىن. بۇل ورايدا بيۋدجەتتىڭ اشىق بولۋى – ەلىمىزدىڭ ەكونوميكالىق دامۋىنا بىردەن-ءبىر اسەر ەتەتىن كوپتەگەن فاكتوردىڭ ءبىرى, وسى ورايدا پروتسەستەر مەن اقپاراتتاردىڭ جاسىرىن بولۋى دا مەملەكەتتىك ورگانداردا جەمقورلىقتى تۋدىرادى دەپ ەسەپتەيمىن.
مەملەكەت باسشىسىنىڭ سىندارلى ساياساتىنىڭ ارقاسىندا قازاقستاندا بارلىق مەملەكەتتىك ورگانداردا, اتاپ ايتساق, استانا قالاسى بويىنشا قازىناشىلىق دەپارتامەنتىندە سىبايلاس جەمقورلىقپەن كۇرەس جۇمىس باعىتىنىڭ نەگىزگى باسىمدىعى بولاتىن جەمقورلىققا قارسى ءىس-ارەكەت بويىنشا ماقساتتى, جوسپارعا ساي جۇيەلى شارالار قابىلدانىپ, ورىندالۋدا. سونىمەن قاتار جەمقورلىق قۇقىق بۇزۋشىلىقتاردى بولدىرماۋ ماقساتىندا مەملەكەتتىك قىزمەت جانە جەمقورلىققا قارسى ءىس-ارەكەت تۋرالى زاڭنامالاردى ءتۇسىندىرۋ, سىبايلاس جەمقورلىقتىڭ الدىن الۋ ءىس-شارالارى تاقىرىبىندا دارىستەر مەن سەمينارلار جوسپارعا ساي ۇنەمى وتكىزىلەدى. بۇل اتالعان ءىس-شارالار – جەمقورلىققا قازىناشىلىق سالاسى قىزمەتكەرلەرىنىڭ اراسىنداعى جالپى اتقارىلعان جۇمىستىڭ ازعانتاي بولىگى عانا.
استانا قالاسىنىڭ قازىناشىلىق دەپارتامەنتى جەمقورلىقتىڭ الدىن الۋ جانە ونىڭ كورىنىستەرىمەن كۇرەسۋگە, سىبايلاس جەمقورلىققا قارسى ءتارتىپتى كۇشەيتۋگە, ءوز قىزمەتىندە ءتارتىپتى نىعايتۋعا, جەمقورلىقتى بولدىرماۋ ءۇشىن العا قويعان مىندەتتەرىن ورىنداۋدا الداعى ۋاقىتتا دا قارقىندى ءارى ءمىنسىز ەڭبەك ەتەتىن بولادى.
ب.سادۆوكاسوۆا, قر قارجى مينيسترلىگى قازىناشىلىق كوميتەتىنىڭ استانا قالاسى بويىنشا قازىناشىلىق دەپارتامەنتى باسشىسىنىڭ ورىنباسارى
