ادام ساۋداسى, جەڭگەتايلىق پەن پريتونداردى ۇستاۋ فاكتىلەرىنىڭ جولىن كەسۋ, اقىلى ءينتيمدى قىزمەت كورسەتۋمەن اينالىساتىنداردى انىقتاۋ جانە ولاردى ەسەپكە تىركەۋ ماقساتىندا استانا قالاسى ءىىد قىزمەتكەرلەرى ەلوردا اۋماعىندا «ستوپ-ترافيك» جەدەل الدىن-الۋ شاراسىن وتكىزدى.
ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى باسقا دا ءبولىنىستەردىڭ قىزمەتكەرلەرىمەن بىرلەسىپ, ۆوكزال ماڭىنداعى ۇيلەر مەن كوشەلەرگە, ساۋنالار مەن كوڭىل كوتەرۋ ورىندارىنا, قوناق ۇيلەرگە رەيدتىك ءىس-شارالار وتكىزۋدە. سونىمەن قاتار, اقپارات قۇرالدارى مەن ينتەرنەت-سايتتاردا حابارلاندىرۋ بەرۋ ارقىلى ينتيمدىك قىزمەت كورسەتەتىندەر دە انىقتالىپ جاتىر.
جەدەل الدىن الۋ شارالارى بارىسىندا ينتيمدىك قىزمەت كورسەتەتىندەردىڭ 30-ى انىقتالىپ, ەسەپكە الىندى. ونىڭ ىشىندە «سۋتەنەر» جانە جەڭگەتايلىقتىڭ ءۇش فاكتىسى انىقتالدى.
ماسەلەن, «STOP ترافيك» جەدەل الدىن الۋ شاراسىنىڭ بارىسىندا استانا قالاسى ءىىد ۇققكب قىزمەتكەرلەرى بەس
مىڭ قاراجات كولەمىندە 22 جاستاعى قىزدى ينتيمدىك قىزمەت كورسەتۋ ءۇشىن قوناقپەن جولىقتىرعان 34 جاستاعى ساۋنا اكىمشىسىن قۇرىقتادى.
وسىعان ۇقساس قۇقىق بۇزۋشىلىقتار تاعى بىرنەنشە ساۋنادا انىقتالدى. اتالمىش فاكتىلەر بويىنشا سوتقا دەيىنگى تەرگەۋ امالدارى جۇرگىزىلۋدە. جەدەل الدىن الۋ شارا بارىسىندا پوليتسيا بولىمشەلەرىنە جەتكىزىلگەن ازاماتتار استانا قالاسى ىشكى ىستەر دەپارتامەنتىنىڭ ەسەبى بويىنشا تەكسەرىلىپ, ەسەپكە قويىلىپ, ولارمەن پروفيلاكتيكالىق اڭگىمە جۇمىستارى جۇرگىزىلدى.
قىمبات نۇرعالي
