تاماشا جۇدىرىقتاسقان دانيار
بوكس ءبىزدىڭ ەلدە ءنومىرى ءبىرىنشى سپورت ءتۇرى سانالاتى,بىلعارى قولعاپ شەبەرلەرىنەن باستاۋدى ءجون كوردىك.
العاشقى بولىپ 56 كەلى سالماقتا قانات ءابۋتالىپوۆ سيريالىق ۆيسسام سالامانامەن شەبەرلىك بايقاسىپ, 15:7 ەسەبىمەن جەڭدى. شىنى كەرەك, قانات سونشالىقتى كەرەمەت ونەر كورسەتكەن جوق, ءسال عانا ارتىقشىلىق بايقاتقانى بولماسا. كوپتەگەن قاتەلىكتەر جىبەردى. ەڭ اۋىرى سول, قاتەلىكتەردى كەلەسى اينالىمدا دا جوندەي الماي, يرلانديالىق دجون دجو نەۆيننەن 15:10 ەسەبىمەن ۇتىلىپ قالدى. دانابەك سۋجانوۆ تا ءوزىنىڭ ا ل عا ش ق ى جەكپە-جەگىندە وليمپيادا, الەم بىرىنشىلىكتەرىنىڭ جۇلدەگەرى ءۇندىس ۆيجەندەر سينگحكە قاۋقار كورسەتە المادى. ەسەپ 10:14.
كەلەسى كۇنى عاني جايلاۋوۆ تايلاندتىق سايلوم اردەەمەن شارشى الاڭعا شىعىپ 12:12 ەسەبىمەن تەڭ ءتۇستى. قوسىمشا كورسەتكىشتەردى ەسەپكە العاندا عاني تايلىقتان ءسال عانا ارتىق ونەر كورسەتىپ, اۋپىرىممەن جەڭىسكە جەتتى. بىراق بۇل جىگىت شيرەك فينالعا اپارار جولدا ۇندىلىك دجاي بحاگۆانعا 16:8 ەسەبىمەن ءتاۋىر قارسىلىق كورسەتىپ, دانابەكتىڭ ەسەسىن قايتاردى. ودان كەيىن استانالىق ءىلياس سۇلەيمەنوۆ سالومو نتۋۆەنى 13:8 ەسەبىمەن تىزە بۇكتىردى. وزىنەن الدەقايدا بويشاڭ بولعانىمەن, شۆەد بوكسشىسىنىڭ تاجىريبەسى از ەكەنى كورىنىپ تۇردى.
…ەرتەڭگىلىك ءبىرجان جاقىپوۆ فرانتسۋز جەرەمي بەككۋدەن جەڭىستى جۇلىپ الدى.
ءبىرىنشى يتجىعىس ءتۇسىپ, ەكىنشى ۇتىلىپ, ءۇشىنشى راۋندتا قورىتىندى ەسەپتى 18:17 قىلىپ, ارەڭ دەگەندە ءبىرجان فرانتسۋزدى تىزەرلەتە الدى. ايتكەنمەن, ءبىرجان زوۋ ش مينگكە دە وسىنداي تاكتيكا ۇستاناتىن بولسا جۇلدەسىز قالۋى مۇمكىن. سول كۇنى دانيار ەلەۋسىنوۆ امەريكالىق دجامال حەررينگتى 19:9 ەسەبىمەن ايقىن جەڭدى.
العاشقى اينالىمدا ەل بوكسشىلارىنىڭ ىشىندە تاماشا جۇدىرىقتاسقان دانيار بولدى. سونىمەن قاتار اسا اۋىر سالماقتاعى يۆان دىچكو دا قارسىلاسى نەمىس ەريك پفايپەردى جۇندەي ءتۇتتى. ءبىر رەت نوكداۋنعا دا تۇسىرە الدى. ەسەپ 14:4. ال سوڭعى الەم بىرىنشىلىگىنىڭ جۇلدەگەرلەرى سەرىك ساپيەۆ پەن ادىلبەك نيازىمبەتوۆ بىردەن ەكىنشى اينالىمنان باستايدى.
قايسار قىزدار التىنعا قارىق قىلدى
اۋىر اتلەتيكا لوندوندا ءدال قازىرگى تاڭدا 2 بىردەي التىن سىيلادى. جانە قانداي التىندار دەسەڭشى؟! الەكسەي ني مەن ەنۆەر تۇركەلەريدىڭ شاكىرتتەرى مايا مانەزا مەن زۋلفيا چينشانلو اۋىر اتلەتتەر باسەكەگە تۇسەتىن ≪ەكسەل≫ ارەنادا ءدال قازىرگى تاڭدا قازاقستاننىڭ بەدەلىن بيىكتەتىپ قويدى.
ولاي دەيتىنىمىز, ەكى قىز باستى قارسىلاستارىن شاڭىنا دا ىلەستىرگەن جوق. ءتىپتى, مانەزا رەسەيلىك تسارۋكاەۆانى 8 ۇپايعا ارتقا تاستادى.
ەكەۋى دە رەكورد جاڭارتتى. بۇدان ارتىق قانداي قۋانىش كەرەك! 19 جاسار اننا نۇرمۇحامبەتوۆانىڭ تورەشىلەر 2 ۇپايىن تارتىپ الماعاندا, قازاق قىزى دا ءبىر جۇلدەگە ىلىنەر مە ەدى؟.. بىراق 19 جاسار اننا ءۇشىن ءبارى دە الدا. ونىڭ ۇستىنە جارىس جولىنا شىقپاعان وليمپيادا چەمپيونى يليا يلين مەن 2 دۇركىن الەم چەمپيونى سۆەتلانا پودوبەدوۆالاردان دا جۇلدە كۇتەمىز.
الەكساندر ابىرويمەن كەتەدى
بىرەۋ سەنەر, بىرەۋ سەنبەس, شايتاناربانى ەرتتەگەن قازاق سپورتشىلارى قازاقستانعا ءبىر التىن سىيلادى. ال ونى سىيلاعان – 38 جاستاعى الەكساندر ۆينوكۋروۆ. ساشا وليمپيادا الدىندا ≪لوندوننان كەيىن سپورتتان كەتەمىن≫ دەگەن. ەندى سپورتتان ادەمى كەتۋىنە تاماشا مۇمكىندىك جاسالدى. الەكساندردىڭ سپورتتىق ءومىربايانىنا قاراپ وتىرساق, ك ءو ر مەگەن ق ي ى ن دى ع ى جوق. جولىن كەسىپ, د و پ ي ن گ پايدالاندى دەپ سپورتتان قۋدى, قايتا كەلگەندە وتە اۋىر جاراقات الىپ, وتا جاسالدى. سپورتتان كەتپەكشى دە بولدى. بىراق ساشا ۆەلوسيپەدىن تاستاي المادى.
تۋر دە فرانستى الدى, دجيرو د يتاليانى الدى, وليمپيادانىڭ كۇمىسىن دە قانجىعالادى, التىنى عانا جەتپەي تۇر ەدى وسى دودانىڭ, ەندى, مىنە, كەتەم دەگەن كەزىندە, قىرىققا تاياپ قالعاندا وليمپيادا التىنى ەرىكسىز بۇل جىگىتكە باسىن ءيدى.
دزيۋدوشىلار جەرگە قاراتتى
باسقا سپورت تۇرلەرىنە كەلەتىن بولساق, ەشقايسىسى دا ءبىزدىڭ ءۇمىتىمىزدى اقتاي الماۋدا. اسىرەسە, دزيۋدوشىلار! 2-3 مەدال الادى دەگەن 9 بالۋاننىڭ ىشىنەن بىرەۋى عانا قالدى. قالعاندارى التىن الادى دەگەن ماكسيم راكوۆتان باستاپ قارسىلاستارىنان تاس-تالقان بولىپ ۇتىلىپ قالدى. يسلام بوزباەۆ قانا 2 اينالىمنان ءوتىپ, س و ڭ ع ى سىندا وليمپيادا چەمپيونى نەمىس بالۋانىنا لايىقتى قارسىلىق كورسەتە الدى.
سوڭعى ءۇمىتىمىز – گۇلجان يسانوۆا مەن ەرجان شينكەەۆ تە قارسىلاستارىنان جەڭىلىس تاپتى. وسىلايشا تاتامي تارلاندارى ەلگە ≪قىزارىپ≫ قايتپاق. سەمسەرلەسۋدىڭ شەبەرلەرى دە قارسىلاستارىنان وڭباي ۇتىلدى. جۇزگىشتەردىڭ دە باسەكەلەستەرىنە قاۋقار كورسەتكەنى شامالى. مەرگەندەر نىسانانى كوزدەي الماي, جىگەردى قۇم قىلۋدا. سۋ دوبىنان بارعان قازاقستان قۇراماسى وليمپياداعا قاتىسۋدىڭ ءوزىن ەرلىك سانايتىن سەكىلدى.
تەننيسشىلەر مەن ەسكەكشىلەردىڭ جۇلدەگە تالاسا المايتىنى ءاۋ باستان- اق بەلگىلىبولعان.
ۇكىلى ءۇمىتت ەر ۇزىلگەن جوق
قازاقستان قۇراماسىنىڭ قازىرگى قارقىنى جامان ەمەس. العاشقى جەتى كۇندە 3 التىن! مۇنداي جەتىستىك بۇرىن-سوڭدى بولعان ەمەس. ءتىپتى, العاشقى كۇندەرى 4-ورىنعا كوتەرىلگەن. قازىر ۇزدىك وندىقتىڭ قاتارىندا. قازاقستان قۇراماسى تۇڭعىش رەت وليمپيادانىڭ العاشقى ەكى كۇنىندە ەكى التىن العانىنىڭ الدى وسى. ءتىپتى, افينى وليمپياداسىندا التىندى اڭساپ, وليمپيادانىڭ جابىلۋىتاياپ قالعان ساتتە باقتيار ارتاەۆ نامىسقا تىرىسىپ, قورجىنعا جالعىز التىن تۇسكەن ەدى. ونىڭ ۇستىنە ءالى جارىس جولىنا شىقپاعان بالۋاندار, تاەكۆاندوشىلار, جەڭىل اتلەتتەر جانە بار.
بوكسشىلار دا ءالى ءتيىستى ەنشىلەرىن العان جوق. اۋىر اتلەتتەرىمىزدىڭ اراسىندا دا 3 بىردەي كوزىر بار.
سوندىقتان سىڭعىرلاعان ساپ التىندار, جالت-جۇلت ەتكەن كۇمىستەر مەن قولالار اكەلەتىن اتلەتتەر سوڭعى ءسوزىن ايتقان جوق دەپ ەسەپتەيمىز.
لوندون تاريحقا نە بەردى?
وليمپيادانىڭ 18 جۇلدەسىنەنشىلەگەن كوركەم گيمناستشى لاريسا لاتىنينانىڭ 48 جىلعى رەكوردىن بۇزدى. بۇزعان – امەريكالىق التىن بالىق مايكل فەلپس. 16 التىن, 2 كۇمىس, 2 قولا ەنشىلەگەن مايكل فەلپس تاريحتا قالدى. 16 جاسار قىتايلىق ارۋ, جۇزگىش ە.شيۆەن ەرلەردىڭ جارىسىن ۇتقان رايان لوحتەنىڭ ناتيجەسىنەن اسىپ ءتۇستى. دوپينگتىڭ ارقاسىندا وسىنداي ناتيجەگە جەتكەن دەپ ويلاعان ماماندار قىتايلىقتىڭ اعزاسىندا تىيىم سالىنعان ءدارىنىڭ مۇلدە جوق ەكەنىنە تاڭ قالۋدا. ءوز كەزەگىندە زىلتەمىرشى قازاقستاندىقتار مايا مانەزا قوس جاتتىعۋ جانە سەرپە كوتەرۋ بويىنشا وليمپيادا رەكوردىن, زۋلفيا چينشالو سەرپە كوتەرۋدە الەم رەكوردىن جاڭارتتى.
نۇرىمجان اياپبەرگەن
